2011- 5- 11
|
 |
أكـاديـمـي مـشـارك
|
|
|
|
|
مشاكل اليوم مابدها حل امبارح....لادموع بعد اليوم,, مشكلة الكسل والربادة حياكم
سلاااااااااااااااااااام عليكم جميعا
أنا عندي مشكلة التأجيل يعني مثلا اذا فيه شئ مهم امتحان ولا أي شئ لازم أسويه ألقى نفسي فجأة أتذكر أيام الطفولة  وأروح أقرأ مجلة ميكي ماوس  وبعدين أحس نفسي جعت وأروح أتعشاء ولما أخلص أقول بروح أدرس الله هداني وبينما أنا ماشية لغرفتي , أمر على الصالة و تجيني حالة غريبة , أصير زي هذا  أمرر عيوني على الصالة وأطالع الأثاث وكأني أول مرة أشوفه ولما أرجع لغرفتي وأمسك القلم , أحس اني مشتاقة لأمي والقعدة معها وأروح لها وأسولف شوي وتهزأني على تضييع الوقت  وبعدها أذهب لغرفتي مطأطأة رأسي  وماهيا الا دوقيقات قليلة (تصغير دقيقة  ) وأحس اني محتاجه عطف وحنان أختي ونصايحها القيمه  و أروح لها وأسولف وأسولف وأسولف سوالف طويلة الأجل
وبعدها تهزأني شوي  عشان أذلف وأرجع لغرفتي وأنا أفكر كيف أرد لها هالتهزيئة (صبرها عليا هيييين خل تخلص هالإمتحانات )
وبعدين أمسك القلم وبدل ما أكتب,,,,,, أرسم وردة وشريطة وبيت ونخل وشجر  وتعجبني رسمتي وأروح لأختي مره ثانية < ماتتوب
وتتحول أختي الحنونة الى مخلوق متوحش  وتحذف عليا الكنترول عشان أروح وأركز بالأشياء المهمة اللي عندي ,,, بس اللي يصير هو اني آخذ الكنترول وأغير القناة وأروح أطالع مسلسل
وبعدين أروح لغرفتي وأهاوش نفسي وأقول ليش ليش كذا 
ضيعتي وقت , وما ركزتي ولا فيه أي معلوم بأي بطيخ ...ليش كذا يا نفسي ..ايهئ ايهي ايهئ
وبعدين أحس بالجوع مرة ثانية وأروح مشوار للمطبخ وأتعشأ للمرة الثانية
وبعدها أقول خلاااااااااااااااااااااااااااص
ايش هالمسخرة ...راح أذاكر ...وجع 
وأفتح الكتاب وأتثاءب كثييير من التعب وأنام على الصفحة الثانية 
*******************************
هل من حل؟ كيف ألزم نفسي بالأشياء المهمة؟ وأبدأ فيها أولا بعدين الحاجات الثانية؟ كيف أبتعد عن التأخير والمراكمة ...أراكم كل شئ لين يصير كثير وأخاف 
هيلب مييييي
|