حبيبتي رنيم ..
اولا اهنيك ع طريقه صياغتك الاكثر من رائعه<<الله يحفظك
شوفي الشي الحلو مايجي بسهوله..
ع قولتهم اللي يبي العسل لازم يذوق لدغ النحل..


اما من زحمه الجدول هذي كانت معاناتي في السمستر الاول
تخيلي كان بريكي الاوحد والوحيد يوم الاثنين3و 6.7 بسس

اما الحين لا..بس انا مابي اظلمك لاني بزنسس يعني ماعندي فيزيا
وكيميا وماث 1و2

بس في مواد ثانيه وكانت عندي اصعب من الماث اففف
وعندي فاونديشن ماث..

شوفي بكره نتخصص وتقل زحمه جداولنا..بس طبعا ما اقول
ان الدراسه رح تسهل لان بالعكس مارح يكون في مجال للعب
والمواد رح تكون ادسم..

شوفي ترا مو احنا بس الي عايشين هالوضع
بالعكس الاف مؤلفه وكل طالبات التخصص الي تشوفينهم
مروا فيها والحمدالله عدوا..

وانتي بعد الله يعينك ويسر لك تنجحين بالماث وتعدين الصيفي ع خير
وشوفي ربك مايضيع حق احد..وانتي بس لاتقارنين نفسك بغيرك
او تستغربين انتي ليش مو زي فلانه وعلانه بالانجلش<<كلها قدرات متباينه

بس اذا بغيتي تقارنين..مالك الاتقارنين بين مستواك قبل ماتدخلين الجامعيه
والحين..اكيد في تطور واضح..

انا عن نفسي ماكنت اقدر اتكلم انجلش بتاتا مع اني عندي مصطلحات كافيه وافهم
وماكنت اعرف شي اسمه تعبير..ولا اعرف اكتب جملتين ع بعض..

بس الحين بحمد الله اقدر اتكلم مع المس بطلاقه واسالها
وبامتحان الرايتنق الي امس كتبت فوق 200كلمه
يعني اكثر من المطلوب<<تعبت من التحذيف عشان ما انقص
بس انا اعتبره انجااااااااااز مقارنه بوضعي قبل ما ادخل الكليه..

وانتي بعد اقعدي مع نفسك وحددي نقاط الضعف واشتغلي عليها
بعدين ربي مايضيع جهد مخلوق..

واذا كنت من الي يسحبون بإجحاف يكمن يكون هذا السبب

وبالتوفيييق..