ملتقى طلاب وطالبات جامعة الملك فيصل,جامعة الدمام - عرض مشاركة واحدة

#أميرة بإحساسي# · 2011- 5- 13

السلآم عليكم ..
آنآ آسفه جيت متأخره عليكم ..
بقول لكم سالفتي ..
أنا كنت أحضر محاضرات رغم اني مفصوله لأنو كل الدكاتره ينادون اسمي ..
ولما رحت لهم المكتب د7 قالت لي حضري براحتج ..
وجلست احضر تقريبا 3 اسابيع ..
الدكتوره طلبت عرض بوربوينت للمحاضره وقلت انا بسويه من شان ارفع معدلي بشد على نفسي من البدايه >> الأخت وآثقه ..
المهم المحاضره اهي السبت وصادف السبت اللي فيه اجازة عودة الملك بالسلآمه ..
وانا نسيت آخذ ترخيص بحمل اللاب مره ثانيه
وجى السبت اللي بعده يعني الاسبوع اللي بعد الاسبوع اللي صار فيه اجازة السبت
السبت اللي بعده جيت الصباح ودخلت من البوابه الامن اللي مريت عليها ماطالعت فيني حتى طبعا بذاك اليوم عرفت انها تطلقت هع
وماكان لها خلق ,,
وماطلبت مني حتى الورقه اشرت لي امشي ..
حمدت ربي عدت على خير
وبنص اليوم قلت خلني اشيك ع العرض اتأكد من الأخطاء
كنا فوق بوجه قسم الدراسات
انا وبنت عمتي .. شغلنا اللاب وجلسنا نشتغل ع العرض فجأه جآت لنا الامن عبير ..
سألتني وين التصريح واعطيتها اياه
فتحته وسألت كم التاريخ
قلنا لها اللي تقول التصريح منتهي صار له اسبوع واصلا التصاريح اللي تجي الحين موب كذا شكله المسأله فيها تزوير طفي اللاب وتعالي معي بسرعه
حسيت انو بتحصل مصيبه ..
قلت لها انا ما داوم شلون اجي من شان تصريح بس
وهاوشتني قالت لي منو الدكتوره اللي اعطتج هذا التصريح ..
قلت لها الدكتوره حصه .. المهم نزلنا تحت رحنا للباحثه الأجتماعيه ..
ههههههههههه وبصراحه من شفتها استغفر الله قلت ابد مابطلع منها سالمه اذا الوجه مايبشر بالخير
قالت لها الأمن عبير هذي طالبه جايه ومعها اللاب والتصريح منتهي من اسبوع ..
على طول صارخت بسم الله :s منو دخلج الصباح اعترفي !
قلت لها الأمن اللي شعرها قصير وتلبس جاكيت فوق القميص شعرها لحد كتفها وطولها زين وجسمها تقريبا مثل جسمي وبشرتها برونزيه موب سمره ولا بيضاء.. ماعرف اسمها .. تقريبا اصغر أمن موجوده .. بس ماعرف اسمها ..
يمكن انتو عرفتونها
قالت لي الباحثه اللي شكلها يخرع بلد : لاتكذبين اصلا مافي أمن بهذي المواصفات اللي قلتيها ..
وانتي مزوره التصريح واساسا بملفج مكتوب مفصوله ليش تداومين ؟
المفروض ماتجين الكليه الا لما نعطيكم خبر ..
قلت لها طيب اللي بالمكتب قالت لي داومي وشوفي يمكن تنزل أسماء جديده
بعدين منو اللي بيعطينا خبر ؟
عصبت وقالت انتي وحده قليلة ادب ..
اخت عبير اخذي بطاقتها ووديها للمرشدة الاجتماعيه توقع تعهد ..
وانتي بعد ماتتوقعين تاخذين عبايتج وتطلعين برا سمعتي ..
قلت لها طيب ماعندي احد يجيني وعبايتي باللوكر والمفتاح مب معي مع بنت عمتي
.. الباحثه الاجتماعيه اللي نموذج في الاخلاق والأدب قالت بتطلعين خارج الكليه غصبا عنك ..
قلت لها طيب انتي تقولين اني مزوره التصريح اتصلي بدكتوره حصه وتفاهمي معها
واذا ماتبين تتصلين خلي الامن تروح معي لها وتقول لج اذا انا مزوره لو اهي اعطتني اياه ..
جلست تصارخ : عبير روحي معها للاخصائيه توقع وتاخذينها للبوابه وتعطينها اغراضها وتخلينها تطلع برا الكليه ..
رحت مع الأمن عبير وقعت تعهد ورحت معها للبوابه ودخلوني غرفتهم اللي ريحتها تقرف اكل خايس ..
وخلتني اجلس ع الكرسي وقالت لي تتصلين بأحد يجي يآخذج والا بتخيسين هنا للين موعد الخروج .. قلت لها طيب ماعندي أحد يجي ياخذني عادي انتظر لموعد الباصات .. طبعا لما خلصنا 12 وثلث يعني مشت الباصات علي انتظر للساعه 2 وربع
جلست بالغرفه وحده من الأمن قالت لي اخذي اغراضج وطلعي يلا بقفل الغرفه ..
قلت لها اوكي وطلعت واتصلت ببنت عمتي وقلت لها وش صار معي الا تقول الدكتوره تبي العرض قلت لها طيب كيف وشلون بيسووون سالفه خلها تكلمها قالت لي الدكتوره تبيني ,, لكن اللاب عندهم ..
رحت للدكتوره واعطتني تصريح جديد وقالت لي وديه للباحثه خلها توقعه تبي العرض ضروري ..
انا من غبائي سمعت كلامها ونزلت للباحثه من شافتني كأن عفريت قارصها صارخت بوجهي انتي منو اذن لج تدخلين الكليه منو اللي خلاج ترجعين
وين الامن واتصلت بعبير وصرخت على عبير عشانها تركتني واساسا موب عبير اللي خلتني اطلع بعد أمن ماعرف شنو اسمها خخخخ
سألتني عبير منو اللي خلآج تطلعين قلت لها وحده تشبهج سمره ودبدوبه وشعرها خشن .. >> حسيتها بتذبحني من نظراتها
قالت لي الباحثه معناته منحاشه مستحيل ماتعرفين منو اللي طلعج ..
قلت لها كيف انحاش ولابي اللي تو شاريته ب 4 ألآف اخليه عندكم !!!
بالعقل ورجعوني للغرفه اوف باقي ربع ساعه وتمشي الباصات ..
من بعدها ماقدرت اروح الكليه عقب التعهد اللي كتبته وبطاقتي اللي اخذوها مني والبهذله اللي اكلتها :(
وبس انتهت قصتي ..
ماعتقد ارجع عقب السالفه هذي :(
سلآمي ..
أميرة بإحساسي ..

2011- 5- 13	#771
#أميرة بإحساسي# أكـاديـمـي نــشـط الملف الشخصي: رقم العضوية : 30621 تاريخ التسجيل: Tue Jul 2009 المشاركات: 134 الـجنــس : أنـثـى عدد الـنقـاط : 100 مؤشر المستوى: 69 بيانات الطالب: الكلية: جامعة الملك فيصل / كلية الأداب بالدمام	رد: الوضع الاكاديمي السلآم عليكم .. آنآ آسفه جيت متأخره عليكم .. بقول لكم سالفتي .. أنا كنت أحضر محاضرات رغم اني مفصوله لأنو كل الدكاتره ينادون اسمي .. ولما رحت لهم المكتب د7 قالت لي حضري براحتج .. وجلست احضر تقريبا 3 اسابيع .. الدكتوره طلبت عرض بوربوينت للمحاضره وقلت انا بسويه من شان ارفع معدلي بشد على نفسي من البدايه >> الأخت وآثقه .. المهم المحاضره اهي السبت وصادف السبت اللي فيه اجازة عودة الملك بالسلآمه .. وانا نسيت آخذ ترخيص بحمل اللاب مره ثانيه وجى السبت اللي بعده يعني الاسبوع اللي بعد الاسبوع اللي صار فيه اجازة السبت السبت اللي بعده جيت الصباح ودخلت من البوابه الامن اللي مريت عليها ماطالعت فيني حتى طبعا بذاك اليوم عرفت انها تطلقت هع وماكان لها خلق ,, وماطلبت مني حتى الورقه اشرت لي امشي .. حمدت ربي عدت على خير وبنص اليوم قلت خلني اشيك ع العرض اتأكد من الأخطاء كنا فوق بوجه قسم الدراسات انا وبنت عمتي .. شغلنا اللاب وجلسنا نشتغل ع العرض فجأه جآت لنا الامن عبير .. سألتني وين التصريح واعطيتها اياه فتحته وسألت كم التاريخ قلنا لها اللي تقول التصريح منتهي صار له اسبوع واصلا التصاريح اللي تجي الحين موب كذا شكله المسأله فيها تزوير طفي اللاب وتعالي معي بسرعه حسيت انو بتحصل مصيبه .. قلت لها انا ما داوم شلون اجي من شان تصريح بس وهاوشتني قالت لي منو الدكتوره اللي اعطتج هذا التصريح .. قلت لها الدكتوره حصه .. المهم نزلنا تحت رحنا للباحثه الأجتماعيه .. ههههههههههه وبصراحه من شفتها استغفر الله قلت ابد مابطلع منها سالمه اذا الوجه مايبشر بالخير قالت لها الأمن عبير هذي طالبه جايه ومعها اللاب والتصريح منتهي من اسبوع .. على طول صارخت بسم الله :s منو دخلج الصباح اعترفي ! قلت لها الأمن اللي شعرها قصير وتلبس جاكيت فوق القميص شعرها لحد كتفها وطولها زين وجسمها تقريبا مثل جسمي وبشرتها برونزيه موب سمره ولا بيضاء.. ماعرف اسمها .. تقريبا اصغر أمن موجوده .. بس ماعرف اسمها .. يمكن انتو عرفتونها قالت لي الباحثه اللي شكلها يخرع بلد : لاتكذبين اصلا مافي أمن بهذي المواصفات اللي قلتيها .. وانتي مزوره التصريح واساسا بملفج مكتوب مفصوله ليش تداومين ؟ المفروض ماتجين الكليه الا لما نعطيكم خبر .. قلت لها طيب اللي بالمكتب قالت لي داومي وشوفي يمكن تنزل أسماء جديده بعدين منو اللي بيعطينا خبر ؟ عصبت وقالت انتي وحده قليلة ادب .. اخت عبير اخذي بطاقتها ووديها للمرشدة الاجتماعيه توقع تعهد .. وانتي بعد ماتتوقعين تاخذين عبايتج وتطلعين برا سمعتي .. قلت لها طيب ماعندي احد يجيني وعبايتي باللوكر والمفتاح مب معي مع بنت عمتي .. الباحثه الاجتماعيه اللي نموذج في الاخلاق والأدب قالت بتطلعين خارج الكليه غصبا عنك .. قلت لها طيب انتي تقولين اني مزوره التصريح اتصلي بدكتوره حصه وتفاهمي معها واذا ماتبين تتصلين خلي الامن تروح معي لها وتقول لج اذا انا مزوره لو اهي اعطتني اياه .. جلست تصارخ : عبير روحي معها للاخصائيه توقع وتاخذينها للبوابه وتعطينها اغراضها وتخلينها تطلع برا الكليه .. رحت مع الأمن عبير وقعت تعهد ورحت معها للبوابه ودخلوني غرفتهم اللي ريحتها تقرف اكل خايس .. وخلتني اجلس ع الكرسي وقالت لي تتصلين بأحد يجي يآخذج والا بتخيسين هنا للين موعد الخروج .. قلت لها طيب ماعندي أحد يجي ياخذني عادي انتظر لموعد الباصات .. طبعا لما خلصنا 12 وثلث يعني مشت الباصات علي انتظر للساعه 2 وربع جلست بالغرفه وحده من الأمن قالت لي اخذي اغراضج وطلعي يلا بقفل الغرفه .. قلت لها اوكي وطلعت واتصلت ببنت عمتي وقلت لها وش صار معي الا تقول الدكتوره تبي العرض قلت لها طيب كيف وشلون بيسووون سالفه خلها تكلمها قالت لي الدكتوره تبيني ,, لكن اللاب عندهم .. رحت للدكتوره واعطتني تصريح جديد وقالت لي وديه للباحثه خلها توقعه تبي العرض ضروري .. انا من غبائي سمعت كلامها ونزلت للباحثه من شافتني كأن عفريت قارصها صارخت بوجهي انتي منو اذن لج تدخلين الكليه منو اللي خلاج ترجعين وين الامن واتصلت بعبير وصرخت على عبير عشانها تركتني واساسا موب عبير اللي خلتني اطلع بعد أمن ماعرف شنو اسمها خخخخ سألتني عبير منو اللي خلآج تطلعين قلت لها وحده تشبهج سمره ودبدوبه وشعرها خشن .. >> حسيتها بتذبحني من نظراتها قالت لي الباحثه معناته منحاشه مستحيل ماتعرفين منو اللي طلعج .. قلت لها كيف انحاش ولابي اللي تو شاريته ب 4 ألآف اخليه عندكم !!! بالعقل ورجعوني للغرفه اوف باقي ربع ساعه وتمشي الباصات .. من بعدها ماقدرت اروح الكليه عقب التعهد اللي كتبته وبطاقتي اللي اخذوها مني والبهذله اللي اكلتها :( وبس انتهت قصتي .. ماعتقد ارجع عقب السالفه هذي :( سلآمي .. أميرة بإحساسي ..