|
رد: زيارة الجامعه والأجابه على كل مايدور في اذهانكم
الله يعطيك العافيه على هذه الجهود فيه اشياء ودي انك توصلها للجامعة
اول شي : منتدى الحوار والمناقشات هم قالو انه بيحسبونها شهريا مدري اسبوعيا طيب فيه ناس موظفين ومتزوجين وعندهم عيال يعني مب فاضين لهم يشاركون بالقطارة فالاغلبيه توهم يشاركون المفروض مايحددون لنا وقت للمشاركة وذلك لظروف الطالب الشي الثاني البلاك بورد مو على كيفنا دايم يعلق وبعدين بعض الدكاترة توهم ينزلون المناقشات دفعة وحده ياليت تسالهم كان يحسبون لنا درجتنا ولا لا الصراحة مانبي يحددون لنا وقت للمشاركة بمنتدى الحوار خلهم يخلونا نشارك بالوقت الي يناسبنا .
الشي الثاني: انا ذاكرت مادة وطبعا انا لازم اتابع اول محاضرة مسجله علشان اعرف اسلوب الدكتور المهم يوم جيت ابي ارجعها اطالع اسئله الاختبار حق الي اختبرو من قبل شفت اغلب اسئلته الدكتور طالعه عن المحتوى وحاط اسئله نفس الكلام الي يقوله في المحاضرة المسجلة ياليت يلتزم بالمحتوى ومايخرج عنه
مو الكل فاضي يتابع المحاضرات المسجلة خصوصا الوقت قصير .
الشي الثالث: ظروري يفعلون لنا ايقونه الاستعلام عن المشاركات .
الشي الرابع : المفروض يحددون مركز الاختبار من الحين والمفروض يسون لنا بطاقه جامعيه حجمها نفس حجم بطاقه البنك بدل ماناخذ بطاقة العائله وورقة لدخول الامتحان نكتفي بهذه بالطاقة الجامعية الي فيها السجل المدني والتخصص وجميع المعلومات الي يبونها .
الشي الخامس : انا شاركت بمنتدى الحوار جميع المشاركات بيوم واحد هل تحسب لي ام لا .
وشكرا
|