|
رد: ركني الهااااااادي ... (في صمــــتي الدافئ كلام ) .... ؟
على كرسي خشب هزّاز ..
يناااام الحلم !
أغيب .. وأتركه وَحْده ..
يغيب .. و يكسر الوِحْدة ..
يشكّل بـ الأمل صورة بلا برواز !
يشكّلها .. وتتمدّد ..
تسيل أطرافها حتى تلامس مستحيل الشمس ..
وتتبدّد ..
تثرثر بـ الخُطى ترجع ، تنادي ما نساه الأمس ..
وتتجدّد ..
تدوّر عن طريق أقصر من الإيجاز !
تصيح ألوانها :
يا ليت !
يفزّ الحلم :
( لو أقدر ) !!
دخلت البيت ..
وفـ ايْديني ثلاث أكياس ..
تعب ..
وأنفاس ..
وكوومة ياس !
و على وجهى جموع الهم تتجمهر ..
شكيته :
ذبْلت أقدامي !
سألني :
جبت لي عكّاز ؟!
|