|
رد: سجل حضورك اليومي بكتابة بيت من الشعر
ياضعفهن بأجسامهن بس ويـلاه****سهم العيون ان صاب شخص اذبحنّه
اللي تحداهن من الناس وش جاه****يالـعـنـبـوهـن ليــه مايـرحــمـنّه
كم واحدٍ صلبٍ على الناس ماقواه****فـي لحــضـةٍ عـن قـوّته ميلنـّه
وكم فارس ٍ تلعب بالأرقاب يمناه****بعـيـونهـن يـوم إنـظـرن خـدرنّه
ولوهو أمـيرٍ فوق كرسي تعلاه****اليـا اشـتـهـن تـنـزيـلـتـه نزلنّـه
من نظرةٍ وحده ومن بسمة اشفاه****واللـي يـبـن مـن بعدها ياصلنّه
لكـن تـرى في قـربهـن ماتمـناه****كـل الحنـان بقـربهــن يبــذلنّـــه
فيهـن دواء للي شكـا حـرة الآه****وفيـهــن وطــن للي دياره رمنّه
واللي يجي زعلان ويدور رضاه****وش غير ضمة حضنهن لحضننّه
ياماحلا منطوقهن حيل ماحـلاه****وياماحــلا مجلاسهــن لجـلسنّــه
بهن الحنان وفيهن الـود نلقـاه****وبهن المحبه من عطاهن عطنـّه
هـن لـذة الدنيا وهـن نعمـة الله****وهـن الـذي ببيـوت الأجـواد جنّه
|