حبيب الروح سامحني إذا بحقك أنا أخطيت
ترى والله ماقصدي أهينك واجرح شعورك
ترى لولا غلاك وحشمتك ما ارسلت ولا دقيت
دخلتي داخل قليبي وشيدتي به قصورك
على صمتك كذا فتتي قليبي ترى تفتيت
دخيلك سامحي شخص ظلامه ينظر نورك
على شانك كتبت ابيات شعري بيت تلو البيت
ابكتبها والحنها واغنيها تحت سورك
لعلك يوم تسمعها تقول اليوم انا حنيت
ويعم رضاك كل القلب وتنبت فوقه زهورك
سألتك بالله الأعظم عظيم الملك رب البيت
هو يرضيك انا اتعذب واكون اليوم مأسورك
دخيلك لاتعذبني ترى ياصاحبي مليت
أنا زليت أنا أخطيت وتحت امرك على شورك