ان جيتني مشتاق ابجبرك بفراق
الشوق عندي صار مثل الفراقي
دامك حرقت القلب بيدينك احراق
بحرق شعورك يوم وقت التلاقي
صابر على بعدك ولاعاد اشتاق
قلبي جرحته وصدري اليوم ضاقي
توك تجي عندي تعاملني برفاق
بعد الغياب سنين تبقا بواقي
وينك من اول يوم حبك بالأعماق
اسوقلك رجلي مع ارباط ساقي
كنت انتظر منك رساله بالاوراق
بس انتظر مكتوب فيها اشتياقي
مشتاق للغالي وصدري عليه ضاق
طال البعاد وعقلي الحين فاقي
توني عرفت انك من الحب سراق
معادلك في داخل القلب باقي
ان جيتني مشتاق ابجبرك بفراق
لا تفتكر طاريك يزيد احتراقي