2011- 5- 17
|
 |
أكـاديـمـي مـشـارك
|
|
|
|
المدرسة ماسكين الشهادة عيَوا يطلقونها وش الحل / اللي قسم بزنس يدخل ابي اجابات
[align=justify]
بسم الله الرحمن الرحيم
السلام عليكم ورحمة الله
انا اختي موظفة في مدارس رياض نجد والمدرسة رافضة بتاتا البته ان اي وحده من منسوبات المدرسة تسحب شهادتها الاصلية ، لان صاحب المدارس مسوي ابو العرَيف وانه يمسك الموظفة بشهادتها بحيث انها لو طق في راسها تنسحب نص الترم يحرمها من المستحقات ويخليها تدفع 5 الاف ريال عشان تسترجع شهادتها
طيب يالظالم يالخبل تحرمهم من مستحقاتهم نقول لك حق لكن تدَفعهم كثر راتبهم مرتين عشان ياخذون شهادتهم ليييييييش ( وجه معصب يعطي بوقس) < بحكم اني عضوه جديده ماقدر احط فيسات الا بعدين .
طيب قولولي وش الحل ( وجه يعيَط بالمصري)
بعدين انتم كيف ارسلتوا اوراقكم الاصلية بالبريد ( وجه خايف )
اخاف ارسل اوراقي يصير لها شي ثم خذ يا لفلفه على كل مكان لمدة سنه ولازم حضور ولي امر بعد
بعدين انا مخوفني اكثر شي ذا البريد السعودي اخاف انه يطلع مثل الخطوط السعودية يضيعون الشنط
طيب ماينفع dhl ؟ والله انها كلها تخوف وقلبي معورني
خلاص مابي اطول عليكم بس اخر شي
حابه اسأل اذا يشترط نسبة معينة لقسم ادارة الاعمال او لا ؟
وهل القسم بالعربي او الانقلش ، صعب او ان شالله اقدر امشي فيه ؟
لاني موظفة بنك وقسم البزنس يناسب مجال عملي
لكن اذا هو صعب ويبيله انسان متفرغ تفرغ تام ممكن اغيره والشكوى لله ( وجه حزين )
لاني اخلص دوام 5 ونص وفالبيت ينتظرني ولدين وهات يادوام ثاني ( وجه دايخ )
وشكرا لكم والله يوفق كل من رد وعسى ربي ينجحكم وتتخرجون تصيريون كل شي ئد الدنيا ( وجه سعيد ) وربي يسخر لكم ملايكة السما وصُلاَح الارض يارب ياكريم
وسلامتكم ( وجه مستحي )
[/align]
|