|
رد: ܔ҉ೋܔணਿܔΞѽೋܔاليوم الثامن وماقبل الاخير في الحمله .....تطبيقات الحاسبܔೋѽΞ ܔਿணܔೋ҉ܔ
للقـ أطمح ــمة
تسلميلي ياقلبي انا موجودة بس النت اللي مو موجود
بالنسبه لوضعك ياعيني لاتشيلي هم
اللي مشي في المادة مو احسن منك
وانتي طريقتك صح انك بتسمعي المحاضرات
شوفي..
بالنسبه لل7 محاضرات الاولى اتعاملي معاها انها شي نظري احفظيه وبس , مايحتاج تكوني عارفه للحاسب( مع انه لو انك تعرفيله حيسهل عليك كتير ويختصرلك الوقت في المذاكرة)
انتي شغلي المحاضرة الاولى وتابعي بالمحتوى
واكتبي اللي ممكن يسهلك المعلومة من شرح الدكتور
بس تنتهي ارجعي شغليها تاني
لاتروحي للمحاضرة اللي بعدها الين ماتحسي انك نوعا ما استوعبتي المادة
وزي ماقلتلك خديها كاي مادة نظريه
حددي
لخصي
احفظي
اما لمن تجي لل7 الاخيره فدا الجزء العملي اللي يحتاج منك شويه وقت
طبعا انا ما ادري كيف الدكتور ممكن يجبلنا منه اسئله بس المهم انك لازم تعرفيله
شوفي ياستي ..
ممكن تعملي اي طريقه من هادي الطريقتين
\افضل يكون عندك جهازين واحد تشغلي عليه المحاضرة فيديو عشان تشوفي شرح الدكتور ( صوت وصورة)
والجهاز التاني تكوني فاتحه عالبور بوينت وتطبقي بشكل فوري ايش مايقول تسوي
ترجعي تاني تسمعي نفس المحاضرة وتطبقي
لمن تجي للمره الثالثه لاتشغلي محاضرة الدكتور
بس افتحي المحتوى وخدي الهدف العام منها مثلا( المحاضرة ال8 كيف تفتحي ملف جديد في البور وتضيفي شريحه جديدة وتحذفيها)
تقومي انتي تطبقي عالبرنامج طوالي
شوفي هادي الطريقه حتاخدمنك مرررره وقت بس اتوقع كتير حتساعدك
وعندك الطريقه التانيه
تفتحي المحاضرة في جهازك لوصوت
وتكوني فاتحه المحتوى بين يدك
وفاتحه برنامج البور
وتسمعي الدكتور ايش بيقول وتطبقي وممكن تستعيني بالمحتوى لمساعدتك في اي نقطة
بعد ماتنتهي من المحاضرة ارجعي اقريها بس من المحتوى لانه حتلقي بعض المعلومات اللي يحتجلها حفظ ( تعداد و بعض الرموز)
يعني ضروري تكوني مختمه لو نص المادة هدا الاسبوع عشان يمداك النص التاني وقت الاختبار لانه حيكون عندك وقت طيب لمذاكرتها
وربي يوفقك
وسامحيني هدا اللي طلع معايا
ولو في اي نقطة عندك
انا مستعدة وربي يقدرني
|