ملتقى طلاب وطالبات جامعة الملك فيصل,جامعة الدمام - عرض مشاركة واحدة - للمقلعين والمقلعات ويرجى عدم دخول الدوافير واصحاب الطفرات الجينية في الذكاء

زيدان9 · #1 2011- 5- 18

يسعد اوقاتك يا حلووووين

السبت - 25/6/1432 هـ ـــــ مبادىء الادارة
الأثنين - 27/6/1432 هـ ـــــ مبادىء القانون
الخميس - 30/6/1432 هـ ـــــ مبادىء الاقتصاد الجزئي
الأحد - 3/7/1432 هـ ــــــ مبادىء الرياضيات (1)
الثلاثاء - 5/7/1432 هـ ــــ مبادىء المحاسبة (1)

طبعا كلها نفس الوقت وهو مناسب من ناحيتي
الفترة الأولى
4 - 6 م
* يقولون فيه تعديل نصف ساعة يعني 3.30

لا حظت كل شوي ينط لنا واحد او وحده هنا ( وانا اولكم )، ويقول الفزعة ساعدوني ما بقى شي وش اسوي وين اروح؟

وشوية كلمات من هالديباجه....

انا مشغول ولا فضيت
دوام وبيت وعيال ولا انا ما ني كسول

يا شباب لا نضحك على بعض والله لو العالم يعرفنا على حقيقتنا كان تركوا التعليق على كسل السودانيين واستلمونا بس خلونا ساكتين.

واحدنا كوووول و روش ( روش مصطلح مصري مدري وش معناه بالسعودي )
واذا جت ساعة الجد قام يوجه يمين ويسار

في كل حياتنا والشواهد كثيرة ( مقاضي رمضان نشتريها قبله بيوم ومقاضي المدرسة لليلة الدراسة.... الخ )

المشكلة يجون اخوانا وخواتنا في المنتدى ويعطونا حلوووول خيالية
ويقولون كلش سهل

ما شاء الله عليهم مذاكرين من زمان شوية مراجعة لهم تكفي
بس حنا ميحححححححححححححححححححححححححح
المهم انا وضحت فوق جدول الاختبارات حقنا .
ودنا كل واحد يتبرع مشكوراً بوضع جدوله للمذاكره عشان نستفيد منه

ونتعلم من بعض ولا احد يحقر عمره ويقول انا وش عرفني

مافيه احد ولد عالم
وياليت يكون لنا تيم ليدر او تيم ليدره

( مصطلح امريكاني يعني قائد فريق او قائده فريق )

وانا ابتدي هنا

انا ذاكرت امس الادارة.

اليوم ابتدي في القانون

امر على الاقتصاد بكره

واخصص من الجمعة للاحد للرياضيات

ومن الاحد الى الاربعاء محاسبة

بعدين اسوي ريفيجن ( مراجعة )

خميس وجمعة للادارة من المحتوى والملخص ( الاخ فهد الشمري ) يومين تكفي
من بعد اختبار الادارة وحتى ظهر الاثنين أميل على القانون ( المحتوى وملخص الاخ لاكوست ) أعتقد مدة كافيه

من بعد اختبار الادارة وحتى الخميس اقتصااااااااااااااااااااااد من المحتوى بصراحة اعتقد الملخص اللي طرحوه هنا مشكورين بعض الاعضاء طويل مره ويبي له رقبه زرافه عشان اقراه ، ادري ما تكفي بس الشكوى لله

من بعد اختبار الاقتصاد ابتدي بنشاط مع الرياضيات ( دايم اقولها ليت من اخترع الرياضيات رجلا وادري انه رجال بس اقصد لو حي كان

) طبعاً حل التمارين اللي في المحاضرات وبس ما اعتقد عندي جهد اكبر من كذا

اذا خلصت رياضيات اكيد ابنطلق للمحاسبة والله يعين مشاهدة المحتوى وسماع بعض المحاضرات فقط لا غير

يعني اسبوع مذاكرة وفترة الاختبارات تصير مراجعة

بعدها انطلق الى الحياه مجدداً واللهو البرئ

عاد لا تحرمونا من تعاونكم ومن تعديلاتكم ومن اضافاتكم ومن الجداول المقترحة

ونشوف من منا يستحق الجنسية اليابانية من جد