|
رد: سجل حضورك اليومي بكتابة بيت من الشعر
صباح الخير 
ياهيـــــــه ياللي في جمالك تباهيت
أنتي فرس وانا بخيت العـطاوي
لي هامةٍ منها وفيها استـــــــعزيت
شيخٍ ولد شيــخ وبعيد الهــقاوي
على الشجــــــاعه والرجوله تربيت
ماني بخدشٍ حــول مثباك ثاوي
صحيح في رمضا غـــــرامك تثنيت
من غفلـتي جيتك كما النجم هاوي
اخلصت لك وارخصت لك كل ماغليت
واثرك على الهجران والصد ناوي
الصبر طيب وانت لن رحت وان جيت
نســــمة هوا مرت وقلبٍ هواوي
تلعــــبه الدنيا على كف عفــــــــريت
وفي تالي ايام العمر وش تساوي
دميه على شكل آدمي قلــــــبها ميت
ولا من وراها غير كل البـــلاوي
|