|
رد: لايروح مجهودنا هباء مع المراقبين في الاختبار
اقتباس:
المشاركة الأصلية كتبت بواسطة ريانة
لها ولشكالها هالرافضية المتخلفة
|
لمـن كنت بروح بخلي طرف من الكليـة وبستلم شهـادتي !! دخلت على الموقع وشيكت آيش الأوراق المطلوبة عشـان أكون في السليم ومـاينقصنـي شي وأقعد أربك نفسي وأربك غيري !! ومن صباح الله خير رحت الكلية وأنـا داخلة الإدارة من شفت نظرة المسؤولة عن تسلم الأوراق والله أرتبت وحسيت مـابيصير خيـر !! مـاأشوفهـا إلا تقولي لـي هـا جبتي ورقة المكتبة وورقـة أشتراك مـادة أخرى !! قلت لهـا بتعجب لأ ليش ضرو ...؟! مـايمديني أكمـل إلا هي تقول "ببروووود" أجل أرجعي وجيبيهـا !! قلت لهـا وين أرجـع داقـه هاالمشوار وأرجـع عشـان هاالورقيتن ولاأضمن أصلاً أنهم موجودين عندي أحنـا منتقلين لبيت جديد وووو !! قالت ماأقدر أرجعي غيرك أبعد منك ورجعـناهم !! < تقولهـا ولاهامهـا وهي تعبث في الأوراق والثانية جـالسه كأنهـا تتفرج على مسلسل خليجي الحلقة الأخيرة !! رقيت لسكرتيرة العميدة لأنهـا هي اللي نزلت الموضوع قلت لهـا أنـا دخلت ومـاشفت هاالأشتراك "المكتبة والمادة" من ضمن الأوراق المطلوبة !! قالت آيه صحيح بس أنـا رجعت وعدلت عاالموضوع !! قلت لهـا وأنـا آش دراني باالتعديل أنـا دخلت مره وحده أمس وخلاص !! قالت مـابعرف روحي حـاولي معن هيدا أختصاصن !! نزلت أحـاول معاهـا وهي ولاجايبه خبر !! قالت مـاتبين ترجعين أجل أدفعي فلوس "يازعم غرامة " !! قلت لهـا أدفـع ولاأرجـع !! قصرتنـي الفلوس رجعت أخـذ الباقي من الوالـد حسيت نفسي صادمة إنارة حكومـة ورايحـه أسدد غرامتهـا !! المشكلة وأنـا أنتظر مزروعة جنب الإدارة شافتني زميلة قالت لي هـا وش عندك للحين ماخلصتي !! قلت لهـا السالفة !! قالت لي غريبة أنـا مامعي إلا أشتراك المادة وباالصدفة في المحفظة ومشتني عـادي ونفسيتهـا مثل الحلاوة !!
جاتني ضيقـه من جد عكرت مزاجـي وفرحتي باالتخرج بس صبرت مع أنه كـان بإمكـاني أدخل على العميدة وأصفهم من سكرتيرتهـا إلى الإدارية كلهم على بعضهم قدامهـا !! وأشرح لهـا لعبة الإستهتار والإستغلال اللي على نـاس ونـاس !! آيش هاالمصخره ورقة مـاتجي طول كفي ومسوين لي عليهـا كل هاالزحمـة !! موب ذنبي إذا هم موب منظمين ولا متفاهمين مع بعضهم وكـل شوي يعدلون في الأورارق المطلوبة !! محسبين ماعندنـا شغله إلا التمقل في موقع الجامعة !!
ومـع كـذا نقول ياالله " جـل من لايسهوا " نسـوا بشر ويغلطون الشغل مقطع بعضـه عندهم أبد مـاعندهم دق حنك ولاتقهوي من الصباح لنهاية الدوام !! بس ليش الإستغلال والنفسية اللي على نـاس ونـاس والفرق مـايجي بينـي وبين الزميلة أللي صادفتهـا دقايق بس مع العلم أنهـا كانت مخلصه إجراءاتهـا قبلي !!
على فكرة مـاذكرت لـج هاالقصة الطويلة العريضة عشـان وحده بوحده !! لا والله الشاهد !! ولكن حتى أبرهن لكِ بأن التعميم لغة الحمقى والمفلسيين !!!!!
ولو كـل من جـا وعمم لأصبح كل من على وجه الأرض متخلفيين وهمج !! ولكن من رحمـة ربي الذي جعـل في خلقـه عقول منصفـة لا طائفية تتصيد في المـاء العكـر !!
ياليت نثمن ردودنـا شوي ونشتغل في تهئية أنفسنـا في كيفية أستثمـار وقت الإختبار قدر الإمكـان وعدم المبالغة في أهداره لأننـا لأنضمن وجـود من سيتعاطفون معنـا في كـل مـره !! 
_____________________________________________
عودة للتعليق على الموضوع
أتمنى فعلاً كـل المراقبات على علم بقرار الدكتور النجار " التظليل لايحسب من وقت الأختبار "
خـاصةً في التحرير والنحـو 
|