ياللي تبي تعرف اسراري وعنوانـي
الحزن والضيق واللوعـه عناوينـي
وان كان من جد يا بن الناس تبغاني
في كل لمة حـزن يمكـن تلاقينـي
يكتبني الضيـق واللوعـات تقرانـي
والناي من شرهة احزانـي يغنينـي
أجامـل الصبـر والايـام تعصانـي
بالله قلي وش اللـي معجبـك فينـي
فقير يوم ان عز النفس مـا غنانـي
لو قلت للفقر عز النفـس مغنينـي
كم واحدا ما شتمته لجل ما عطانـي
وكم واحدا ما مدحته لجـل يعطينـي
يقلقنـي الذنـب لامنـه تغشـانـيي
الله من الذنـب والغفلـه تنجينـي
ما هو بدايم يصير الساني حصانـي
كم زلة من لساني صـدق تشقينـي
من صغر سني وانا هالحزن يبرانـي
واليـوم عمـري تعدنـه ثلاثيـنـي
صحيح ماني بمثل ابـوي واخوانـي
رغم ان هقوات نفسي نوب تغوينـي
ما مـد كفـي لكفـا مـا تمناني
ولاسج رجلي بدربـا مـا يودينـي
ما كذب لاكن اتجمل بعض الاحيانـي
يوم ان ها الكذب صاير شي روتيني
في ظروف ازرف عزيزا ما تناساني
وفي ظروف ادور مزرفني وناسينـي
اعرف نبض الجفا في وجيه عدواني
واعرف نبض الغلا في اللي مواليني
والطعنه اللي تجي من صوب صدقاني
اقسى من الطعنه اللي من عدوينـي
كم مرت مات دمعي داخـل اجفانـي
وكم مرت اتفـه الاسبـاب تبكينـي
كذاب لو قلت شعري يوم ما شقانـي
احيان يسرق منامي من جفن عينـي
اكتب قصيدي عشان عيون خلانـي
ومرات اجامل عشان ارضى محبيني
هذا اعترافي وانـا مانـي بندمانـي
ممكن ابصـم او التوقيـع يكفينـي