ملتقى طلاب وطالبات جامعة الملك فيصل,جامعة الدمام - عرض مشاركة واحدة - °l||l° شرح مصور لكيفيـ, عمل درسـ, مبسطـ, بالبوربوينت °l||l°

نجۅۅ♥ۅۅاڼـ, · #1 2011- 5- 20

لاحظت الكثير متخوفين من الدرس العملي لمادة تطبيقات الحاسب بحكم انه مالهم خلفيه كبيره عالبرنامج
وحابين يتعلموا ويعرفوا

وبغض النظر عن انه عليه درجات او لا.....
حبيت اقدملكم شي متواضع

وهو درس مصور عشان تعرفوا كيف تصمموا درس بسيط

انا ماحاولت اتعمق في الدرس
عشان يكون سهل للجميع
وبامكان الجميع يسويه الليله وماياخد منكم ولا ساعه حتى

الدرس على اوفيس 2007

>>>>>>>>>>>> ماعندي 2003 ولا كان عملت نموذج تاني للدرس عليه

1\ اول خطوة نفتح برنامج البوربوينت
وحتجينا زي هادي الصفحة

2\ نروح من قائمة صفحة رئيسيه ونختار منها ( شريحة جديدة)
ونضيف 8 شرائح للدرس

3\نروح لقائمة تصميم لاختيار اي قالب من القوالب الجاهزة للعمل( القالب لعمل لون للخلفيه ولعنوان النص وللنص جاهز)

4\ حتبان الشريحة زي كدا

5\ من عند( انقر لاضافه النص) ننقر ونكتب عنوان الدرس
ونبدأ ننسق لو حابين النص من الحجم واللون.....الخ

6\ نضيف صورة للشريحة عن طريق قائمه ادراج>>>>>> صورة

7\ من قائمة تنسيق واحنا محددين الصورة نختار اي تنسيق للصورة زي ماهو باين
من تحديد للصورة او ظل....الخ

8\ نروح للشريحة التانيه ونعمل زي الاولى من اضافه لعنوان النص
والنص المراد واضافه صورة لو حابين
ونفس الشي لبقيه الشرايح الين ماتنتهي منها كلها

9\ دحين حننتقل للانميشن عشان نعمل حركة للنص
نروح لقائمة حركات
وحيكون عندنا خيارين للحركات:
اما نروح للوقالب الجاهزة للحركات( حتعمل حركة للنص والصورة والخلفيه مره وحدة بحركة وحدة)
او حركة مخصصة( تحديد حركة مخصصة لكل جزء في الشريحة)

10\ نفتح قائمة حركة مخصصة >>>>>>> حتتفح قائمة>>>>>> نختار اضافه تأثير
ونختار دخول واي حركة نختارها

ونختار للصورة بعد السابق

معنى مع السابق( يعني تدخل الكلمة او الصورة مع الشكل اللي قبلها)
بعد السابق( يعني ماتنتهي حركة الشكل اللي قبله هو يدخل)

ونختار نفس الشي لكل الشرايح
العنوان نختارله حركة ونخليه مع السابق
والنص اللي تحت العنوان او الصورة نعمله حركة ونختاره بعد السابق

نجي في الاخير عند حفظ العمل
بطريقتين
زي ما انا محددته في الصورة

وبس

اتمنى اني قدرت اساعد بشي بسيط في فهم الطريقه

واي سؤال انا من العين دي

قبل العين دي

دعوآآآآآآآآتكم