اقتباس:
المشاركة الأصلية كتبت بواسطة HGaWE
|
العقيده الإسلاميه
معلومات عن الماده :
حلوه وممتعه واغلب معلوماتها معروووفه ومتشبعين منها
يمكن الجزء اللي يبيله شوي اخر جزء كان يتكلم عن القاديانيه والماسونيه والصهيونيه
دكتور الماده محمد العقيل متعاون الله يجزاه خير
كنا مطالبين بالملزمه بس ، يعني حتى المحاضرات منتوا مجبورين تشوفونها
والمحتوى ماعليكم منه ، بس ذاكروا الملزمه
اسئلة الدكتور كانت سهله وفيها كم سؤال دقيق ومن السطور ( السهل الممتنع )
جابلنا من الايات والاحاديث اللي بالملزمه
وكنا مطالبين بجزء عم ، بس ماجانا منه بالاختبار شي ،
يعني بشكل عام الماده حلوه
وبــــس =)
.................................................. .................................................. .................
تقنية معلومات 1
معلومات عن الماده :
هالماده تتكلم عن مكونات الحاسب البرمجيات والمعدات
وتتكلم عن السعات والذاكره وكذ1
اخر جزء بالماده راح يتكلم عن الوورد والاكسس
أممممم اول 5 محاضرات تقريبا يدبلون الكبد وحشو حشو كلااااااااام
بعدها يبدأ المنهج يسهل
دكتورها احمد الشريف كان شرحه مجرد قرائه للمحتوى يعني لو ماتشوفون المحاضرات عادي
اسئلته كانت متنوعه سهله وصعبه وبعضها مدري كيف خصوصتا العملي
يعني جاب اسئله عملي ماتوقعناها تجي
مثلا ( لتحديد النص كامل نضغط على ........ من الكيبورد )
وجاب سؤال من الكتاب وماكان مذكور بالمحتوى
بس باقي الاسئله كانت زوينه
الكتاب انا ماشريته فماعندي فكره عن اسمه
لانه قال اكتفوا بالمحتوى وذاكروا بس اسئلة الكتاب مع المحتوى =)
في بالمنهج مسائل حسابيه هذي ماجاب منها شي ابد ابد
.................................................. .................................................. ..
رياضيات 2
معلومات عن الماده :
أممممممم بداية الدروس كانت عن المجموعات وكذ1 اتوقع درسناهم بالمتوسط
بس نهاية المحاضرات كانت تتكلم عن الاشتقاق والتكامل ( منهج ثالث ثانوي )
دكتورها ابراهيم الطاهر بصراحه شرحه لك عليه ، ماتفهم منه
يعني اللي بياخذ الماده يشوفله مدرس يشرحله
انا جاني اكتئاب الترم الماضي وحذفتها بس هالترم اباخذها ان شالله
لأني سمعت إن اسئلته كانت مرررره سهله وماجاب اشياء معقده وكلها واضحه ومباشره
اللي حلهم جابهم ، والحل ابو خطوه وخطوتين بس
كتاب الماده اشتريته قبل لأحذف الماده بس ماستفدت منه شي لان المعادلات بالعربي
والدكتور كان شرحه بالانقلش ،، فركنت الكتاب
يعني باختصار اللي بياخذ الماده يعتمد على نفسه فيها ،، غير كذا ماينفع
.................................................. .................................................. ..........
الأقتصاد الكلي
معلومات عن الماده :
هالماده اول مادرسناها وشفنا محاضراتها كانت غثه لأبعد حد وممله
دكتورها حبيب مكي كان بس يقرا من الكتاب واحنا نخطط معه
المعادلات والمسائل مطالبين فيها وكل شي معنا
بأخر المنهج الدكتور الله يجزاه الجنه سوا لنا محاضرتين مراجعه 12 و13 وقال مهمات
والاختبار ماطلع منهم
إذا درسكم الدكتتور حبيب ذاكروا محاضرات المراجعه واسئلة الكتاب
وبتاخذون الـ +A ان شالله
دكتور الماده للأمانه كان جداً متعاااون ومسهلها معنا
ماقصر الله يبيض وجهه دنيا واخره
صرنا نحب شي اسمه اقتصاد من بعده هههههه وراحت مننا فوبيا الاقتصاد 
كتاب الماده اسمه الاقتصاد الكلي لفريد بشير وعبدالوهاب امين.
.................................................
محآسبه 2
معلومات عن الماده :
هالماده يبيلها تركيز شويات لأنو فيها اشياء كثير متشابهه
دكتورها خالد عطيه شااااااطر شاااااااااطر شاااااااااطر ،، يخلي المعلومه تدخل براسك غصب عنك
متعاون جداً ،، ونهاية كل محاضره يحط مجموعه من اسئلة اختبر نفسك
هالاسئله تكون نموذج لأسئلة الاختبار ، وتبين لك كيف بتكون اسئلة الدرس اللي شرحه
اختبار الماده كان 50 سؤال وكل الاسئله ماطلعت من اسئلة اختبر نفسك
والكتاب هو نفسه كتاب محاسبه 1 ،، بس محتجناه ابد ولاعمرنا فتحناه
.................................................. .................................................. ..............
اللغه الانجليزيه 1
معلومات عن الماده :
منهج الانقلش سهل اغلبية مواضيعه درسناها بالثانوي والمتوسط يعني تعتبر اساسيات الانقلش
دكتورها غسان نايفه ، هالدكتور لوامدحه من اليوم لبكره ماوفيته حقه
ماقصر معنا ابد ، سواءً بالشرح او بأسئلة الاختبار
الاختبار كان 70 سؤال ماطلعوا من المحتوى ( يمكن بس سؤالين كانوا من خارج المحتوى وسهلااااات )
القطع جاب نفس اللي بالمحتوى طبق الاصل
يعني لاتخافون من الماده ابد ، وتعتبر ماده لرفع المعدل
كتب هالماده كان طالب مننا كتابين بس قال مابجيب منها ولاشي بالاختبار وانتوا مطالبين بالمحتوى بس
الكتب انا ماشتريتها فماعندي فكره عن اسمائهم
.................................................. ...
الصحه واللياقه
معلومات عن الماده :
أممممم محاضرات هالماده ممتعه تتكلم عن الوزن واللياقه والرشاقه والامراض والاسعافات الاوليه
بس معلوماتها كثيييييييير كثيييييييير ، لاتتهاونون فيها ابد لان الدكتور اسئلته دقيقه
ويجيب من السطور ، يعني معلومات يمكن تمر عليها كذ1 بسرعه وماتهتم لها ، تتفاجئ بالاختبار انها جاتك
هالماده مطالبين فيها بالمحتوى + الملزمه ، لازم تذاكرونهم كلهم
المحتوى نفس شرح المحاضرات بس الملزمه تختلف كل معلوماتها الدكتور ماشرحها ، واغلبية اسئله الاختبار جا منها
اسئلته متنوعه في السهله والدقيييقه اللي تخربطك
بس لاذاكرتوا الملزمتين كووويس بتاخذون معدل مرتفع فيها ان شالله =)
.........................................
منقوووووووول من منتدى النقاش من الاخت دلوو .gif "(269)")