|
رد: احتاج لك~~ بدنيا قست فيها قلوب البشر
اليوم السبت
الساعه 9 الصبح
رجعت للدوام على امل تحقيق رغبه من رغبات من احبهم
دخلت الصبح وبصمت توقيعي
وحطيت اغراضي وجهازي
سويت لي قهوه سريعه عشان اصحصح واركز زين
طبعا بشنطتي كتاب الاقتصاد الي له شهر ونص موجود بالشنطه رايح جاي معي
من زود الدفره
قعدت اناظره واضحك
المهم
دخلوا البنات وانواع التنكيت والضحك
وتجي وحده اني كل ماشفتها ودي اتغطى عنها
تروعني دايم
يازين الي يخافون <<<<
ههههههههههههه المهم قمت وارسلت رساله لمديرتي وهي قاعده قدامي وقلت لها ابي اطلع للبيت لاني كنت مصدعه وودي انام
طبعا ماعطتني وجه وبنظره عيونها قالت انثبري وانا سكت
ولاعلقت
سبحان الله
بوقتها جاني اتصال من جمعيه الاحتياجات الخاصه موجهين لي دعوه من الساعه 10 حتى الساعه 2 الظهر
وعلى ماظن كان عندهم احتفال
دقيت على الوالد الله يحفظه وقلت له اني ابي اروح للمكان الفلاني
والله يوفقه جاء واخذني ووداني للمقر
دخلت لهم استقبلوني بترحيب وحفاوه
وقبل مايبدأ حفلهم
دخلت على قسم الاحتياجات الخاصه
شفتهم
تقطع قلبي
والله ان دمعتي واصله محاجر عيوني
ياالله يارحمن
الحمدلله على نعمه فيني
ياربي الحمد لله على الي شفته
اقسم بالله صغرت الدنيا بنظري
لااله الا الله وحده
والله احنا في نعمه
اخذت طفله صغيره عمرها مايتجاوز 3 سنوات
وجلستها بحظني وعطيتها حلاوه معي وياكبر فرحتها
رحمتها
سألت المسئوله عنها قالت لي ان الي فيها من يوم ولدت وهو نقص في نمو العقل
سبحان الله فئه بتكبر
وبتكبر
دخلت مكان اكبر عمر
الين وصلت العمر الاخير
42 سنه
سبحان الله
42 سنه وتخلف عقلي
متزوجه
عندها 3
اكملت دراستها
الان تحاول اكمال الثانويه العامه
وهي عندها نوع من الاعاقه البسيطه لكن ماوقفت عندها ولاقالت انا فيني وفيني
وحنا
ابسط شي نتراجع وننهدم وتنهدم طموحنا واحلامنا
طلعت من الاقسام
وتوجهت للقاعه الرئيسه حضرت الاحتفال وانا في بالي يدور اكثر من شي
طلعت من المكان بكبره
ورجعت للبيت
حاولت انام بس حسيت اني انام وانا على راحه
بس ماقدرت
صح اني بعض الاحيان اقول اني ناقصه
احاول ادور النقص
اشوف اهلي حولي واشكر الله
اشوف اشياء اتمناه واشكر الله
ياربي لك الحمد
طيب الاشياء الي مال امها داعي بحياتي قليله والكل منا مر فيها ويتمناها البعض
لكن بالنسبه لي صارت ولاشي
وادري انت او انتي تفهمون قصدي
خلاص الفكره كلها شلتها من بالي
لان مافيه احد بالدنيا يستاهل حلمي الامل
الا من كان ربي مسخر له دعوه
لاني مثل ماقالت امي
انتي الماس ماتوصلين لفكر الناس
وكل الي مايبونك تحت المداس
لبى قلبك يالغاليه والله لايحرمني منك
|