|
رد: سجل حضورك اليومي بكتابة بيت من الشعر
يُمه ... هَيّن ...!!
الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
كيف اخبي ...؟!إنتي من جِدك يا يُمه ...؟!
وانا بنوته
وقلبي وردي ... وصغَـيّر ... ولَيّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟!والهوى مكتوب من ربك وربي
يوم شفتهـ
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يُمه جنني بـ حنانه
ما يخون
الهوى عنده امانه
وريحة انفاسه دخون
مو طبيعي هالولد من جد يُمهـ
فيه ذوق ... وفيه شوق ...وفيه للعشاق عوق
يُمه يسلم لك حبيبكـ
والله نَسَاني حليبكـ
أي ورب الكون يُمه
يُمه لو تدرين عنهـ ...
قلتي لي فالك حبيبكـ إيه احبهـ
ايه يمهـ
ايه اموت برعشة شفاهه واذا يسمح الَّـمّهـ
سامحيني لو حلفت إني لَـ " لِـمّه "مو بكيفي
وضحكته خمري ... وكيفي
مو طبيعي هالولد عمري وربيعي
وفوق هذا صار شاعر ...
كله يتغزل بخصري ... وريحة انفاسي وعطري ...
والعَرق لاسال قطرة فوق قطرة وطاح من جيدي إلى مركوز صدري
قال احبه هذا مِسكك مو عرق يانور عيني
قلت ادري
قال ياحلوه غرورك ...وشمس وجهك تكسر عيوني بنوركـ
قلت كافي
قال شوركـ
والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمهـ
إيه احبهـ
واعصر ضلوعهـ واضمهـ
وانتشي من ريحة انفاسهـ ...... " واذا يسمح اشمهـ"
خلى لعيوني كثير من البنات ... على شاني
خلى نورة وخلى لمياء وخلى خولةايه يُمهـ
وخلى اسماء بنت خالهـ ...
وخلى سارة بنت عمهـ
اللي ابوها اخو ابوه ... ودمها هو نفس دمهأ
باعهم لعيون بنتك ... واشتراني ...
شفتي يُمه ...؟!وآنا اراه إنه غرامي ...
وهو بعد مثلي يراني ...
إلا احبهـ
إلا احبهـ
إلا احبهـ
واللي ما يسمعني يسمع ... إلا احبهـ
واعشق ترابه اذا داسه برجلهـ
قال لي مَرة اناظر ...
قلت حاضر
يا الله ناظر
يوم ناظرني بكيت
ما تحملت الهوى بعيونه السوداء
وشكيت
قال :ابوسكـ ...؟!
قلت :تعقل ... وإلا احوسكـ ...؟!
قال :انا اقصد على السنة
قلت: ليت
قال :والله لآخذك قدام اخوكـ ...
بعد ما تربط يديني في يدينك بأمر ابوكـ
قلت : تبطي ...؟!
قال : لا لا
قلت : لو ابطيت جيتكـ
وإن خطبني لا تردونه يا يُمه ...
آنا ابيه
قولي ( تم )
لا تخلين العُمر يمشي الم ها يا يُمه ...؟!
قولي ( تم )
\
/
\
تم تم يآ بنيتي ..
|