[type=170263]اقول...
هاذي مشاعر صادقه تحكي الذات
تحكي احاسيسي وصادق كياني
جيتك ابحكي لوعتي والمعانات
واقول همي واضح(ن) في زماني
المشكله ماهي على كل مافات
المشكله في روح منهو نساني
جيته ودرب الشوق يضوي بشمعات
ليته يحس فيني ويقدر مكاني
انا اخذته عشق والعشق سكرات
انا اخذته حب من جد يجفاني
البارحه جفني من النوم مابات
سهران ليله وكل لحظه يعاني
وش حيلة اللي قضى عمره بآهات
وش حيلتي قولولي والعمر فاني
تعبت اطوي فرحتي والمسرات
تعبت اذكر واحد(ن) ماشراني
تعبت وانا انزف على الخد دمعات
وتعبت افل جروح وسط المحاني
خلاص ابنسى وابتدي بأبتسامات
واضحك ولم درب الفرح والاماني[/type]