السلام عليكم أخوي
من ناحية مقدرتك على انك تعدي هالمادة
فأنا اعرف اشخاص جابو يمكن 22 من 50 بالفصل الاول
و لله الحمد عدوا هالمادة
لانهم شدو على انفسهم و ذاكروا و حاولوا قدر الامكان يجيبون الدرجة الكامله
و انت اخوي لما تحط النجاح هدفك و تعمل على الوصول له
اكيد بتعدي ان شاء الله
====
عادةً الفصل الاول يكون تجربة او يكون فيه الوضع غير مستقر
لان الطالب تو يكون داخل على المواد و مش متأقلم انه يذاكرهم او يرتب اموره فيهم
و لكن في الفصل الثاني يتأقلم ع الموضوع و تسهل الامور
و الله يساعدك يا رب و تعدي
====
زين , نجي للأنظمة
اذا ما جبت 70 من 100 فمع الاسف , يتم تحويلك الى قسم اخر غير الطب
فلا يوجد اعادة لسنة اولى طب لانها سنة تحضيرية
و لكن البعض , لما ما يعدي سنة اولى و بالتالي ما يقدر يواصل طب , يحول الى علوم طبية في الدمام
و لكن كون طموحك طب أخوي
فأنا كل أمنياتي انك تشد حيلك و تذاكر أول بأول و اي شي ما تفهمه تسأل الدكتور و قبل و بعد الاختبار لازم تراجع الدكتور و تخليه يعلمك بأخطائك في الاختبارات و كيف تستعد لها علشان تتفادى الاخطاء هذي بالاختبارات الثانية
موفق أخي الكريم
تحياتي