جيتي على الجـرح وأحييتـي معاناتـي
وأنـا أتهـرب وأطـنـش وآتحاشـاهـا
من خوف يشمت ضعيف(ن) شاف مأسآتي
ويعرف وش اللي ذبح روحـي وعناهـا
سبع(ن)عجاف(ن) تلخص لـك حكاياتـي
مع ظروف(ن) وتـر الأحـزان غناهـا
أدرس وأذاكـر وأركـز مـن بداياتـي
وأقـول يـارب جملنـي مـع أتـلاهـا
وأشـد حيلـي وأجمـع كـل قـواتـي
وإذا أبتـدا الاختبـار علومـي أنساهـا
ويضيق صدري وأردد بعـض الآياتـي
وأستلهم أذكـار دينـي وأرجـع أقراهـا
وأقـول يـارب جعلـك بالفـرج تآتـي
ومرت دقايـق وعينـي فآضـت بماهـا
وأطلع وأفكر وأراجـع كـل صفحاتـي
وأنشد هل العرف عن ذا النفس وش جاها
وأرجع بعزمي وألملـم فـي طموحاتـي
ولا حان وقت الحصـاد يعـود مجراهـا