ملتقى طلاب وطالبات جامعة الملك فيصل,جامعة الدمام - عرض مشاركة واحدة

فيصل البراك · 2011- 5- 23

اقتباس:

المشاركة الأصلية كتبت بواسطة reem-99

السلام عليكم

مساكم الله بالخير

الله يعطيكم العافيه وماعليكم امر ياليت تشرحون لي الجدول هذا
شرح وافي

مو عارفه كيف طلعت الاجوبه تعبت وانا افكر
ياليت تساعدوني

ركزي معي ابي ابسطها لك خاصتن الجدول هذا لا جاك ف البدايه قبل كل شي عبي الجدول الفراغات الفاضيه

مثل الحين متغير العمر 25 التكرار حقه فاضي كيف نطلعه

ف اي فراغ فاضي ف البدايه عليك ان تمسكين الفئه الاوله الي هي 72 و20

وحنا نبي تكرار حق المتغير 25 ف البدايه نسوي عمليه مقس 72 20
36 ؟

المقس طبعن نمسك 20 ×36 يطلع 720 نقسمه من الرقم الباقي الي هو 72 يطلع الناتج = 10

اذن حل سؤال الاول عدد العاملات ذات العمر 25 سنه = 10

وانا قلت لك لا تطالعين الاسئله خاصتن ف السؤال هذا الا يوم تعبين الفراغات

نروح لـ التكرار 30 الزاويه المركزيه حقته مجهوله نروح نسوي نفس الطريقه الي فوق اصلن الطريقه الي فوق هي تعبي لك فراغات اي سؤال بس تمسكين الفئه الاوله حقتها علشان انها كامله مافيه نقص نفس المتغير 25 والمتغير 30 الي نقصه الاوله التكرار حقه والثاني نقصه زاويه مركزيه حقته

الطريقه المقس نفس الحكايه 72 20
30

نضرب 72×30 ونقسمه ف الرقم الباقي الي هو 20 يطلع =108
شفتي كيف ويطلع جواب 31 الزاويه المركزيه المناظره للعمر 30 سنه

يطلع جواب 108
الحين نروح لـ الفراغ الاخير الحين عندنا فراغين صح الي هو متغير 35 تكرارها مجهول وزاويتها مجهول

حنا ف الاول كان يكون مجهول واحد ونسوي عمليه مقص ونطلع الناقص الحين عندنا نقصين

نتذكر ان الزاويه المركزيه لابد يكون جميع زوياها لا جمعناها لازم يساوي 360 اذن نجمع الزوايه كلها الي هي 72 +36+108 < ( 108 الي طلعناه قبل شوي ) اذن نجمعهن ويطلعن 216 ونطرحهن من مجموع الزوايه 360 يطلع 144

والحين يصير نقص فراغ واحد
الي هو التكرار حق 35

نرجع نفس الطريقه نسوي عمليه مقص 72 20
144

نضرب 20 × 144 ونقسمه من 72 = يطلع 40
وبكذا ملينا الفراغات ونروح لـ الاسئله ونشوف وش يطلب ونطالع الحدول ونحله

طبعن سؤال 33 عدد العاملات الكلي اي مجموع التكرار طلع عندنا فوق 40 نجمع التكرارات كلهن 20 +10 +30+40 = 100

وبكذا الجدول تافه بس يبي تركيز حرام تروح درجات ع شي تافه

اتمنى اني افدتكم

ملاحظه مقدر اضرب التكرار ف التكرار ف عملية المقص ولا نقدر نضرب الزاويه ف الزاويه
حنا نبي تكرار المتغير 25 وهو معطينا زاويه المركزيه حقته

مثل 72 20
36

مانقدر نروح نضرب 72 ×36 ونقسمه علي 20 علي كذا راح يعطينا 129.6 لان 72 زاويه و 36 زاويه ف لذالك مانقدر نضرب نفسه مع التكرار
علشان كذا اقول انتبهو الزاويه ماتنضرب ف الزاويه والمتغير ماتنضرب ف المتغير هي ف الاساس عمليه مقس يعني نضرب 20 ×36 ونقسمه علي 72 راح يطلع الناتج 10 وهذا الي نبيه اتمنى تنتبهون للمسئله