ليه المسا عـوق الشقـاوي وطبّـه؟
== وليه الهبوب تصحي القلب لا بـات؟
وليه القمر يدعـي جريـح المحبّـه؟
== ويقول له يا هيه..ما فات ..ما مـات
جرحك ظهر لو قلـت للوجـه خبّـه
== وللحزن في ضحكك رسوم وعلامات
وليه المطر بالذات ريحـه.. وصبّـه
== كنّه رسول بيـن الاحبـاب بالـذات؟
اشتـاق فـيـه لشوفـتـك واتنـبّـه
== للي نسيتـه مـن مواقـف ونظـرات
لا استانس الخافق ذكـر مـن يحبّـه
== ورجع يراجع فالوناسـات مـا فـات
يا مرتـع القلـب الحزيـن ومربّـه
== يزيين بك مثل الذهب صدر الابيـات
هيهات ينسى القلب شخـص ٍ لعبّـه
== وهيات يدله خاطـري منـك هيهـات
سبك مديـح .. ومـدح غيـرك مسبّـه
== تقول واذني صوتها تقول لـك هـات