دكتور عبدالله النجار
السلام عليكم ورحمة الله وبركاته
واسعد الله اوقاتك بكل خير
اصبح البلاك برود هاجس نفسي يراودنا في كل مكان وزمان
وانا متاكد ما نتخرج الا واحنا فاقدين عقولنا بسببه
ما عاد نعرف نذاكر وتاخر الوقت علينا وفي محاضرات مباشرة ما نزلت
وفي اخطاء في اسئلة الواجبات
وما نعرف احنا نحمل المحاضرة المسجله ولا نكتفي بمشاهدتها لان حجمها كبير ما تتحمل بسهوله واماكن مراكز الاختبارات ما اعلن عنها وباقي يومين على اول اختبار والحق على ما تطلع
مدري نذاكر ولا ندور عليها ..
ومطلوب مننا نتابع المشاركات كل اسبوع واذا ما شاركنا راحت علينا الدرجه يعني الى يتنوم بالمستشفى او عنده ظرف
راح فيها وباقي مواد ما نزلت لها مناقشات !!
ما عاد نعرف 30 درجه هذي وش تنفعنا فيه باين ان اضرارها النفسيه اكبر من منفعتها ( قلق نفسي )
انا اعرف واحد بامانه كان حلمه يواصل دراسته وبسبب هالبلاك بورد ترك الدراسه
ياليت يادكتور عبدالله تخففون الضغط علينا ويكون كل شيء سهل ومرن دام همكم الفائده
دعواتي لك وللجميع بالتوفيق ..