مساء الحب ياعمر ي مساء لون القمر لونك
مساء اجمل من الظلمه واهداء من سكون الليل
مساء اصدق من البسمه تدغدغ صدر مفتونك
مساء اروع من الروعه يعانق في سماه اسهيل
مساء احلى زمان اول زمانن تاه لعيونك
زمن مابلة عروقه ولا بكاء زمانه حيل
مساء لوتنطق اشفاته يرد لبيك مجنونك
تقهوى من نبض قلبي ومن روحي فداك الهيل
مساء طعم اللقاءاحلى من اللي هم يحبونك
على خشمي اذا ودك اشيلك في فؤادي شيل
مساء اطهر حروف اسمي تجيك وتسئل اشلونك
متى ياغاية احلامي يبعثرني سكون الليل
مساء اصدق عباراتي تحلق في سماء شجونك
وتهبط في شرايينك على نغمة صهيل الخيل
مساء يابحر تجرفني بامواجك على هونك
ترفق يابحر عمري لبعدك مابقى بي حيل
يخوفي من كثر حبك اغيب عن شوفة عيونك
اغيب بداخلك وانته تدور في عذاب الويل
تصور لو حصل هالشئ وعشت العمر من دونك
تصور حالتك دوني وانا ونته صباح وليل