اتصدق الاحساس مـع جيتـك شـي
احـس بـه يغلـب قـواي وكيانـي
احس بك لو جيـت ياشـوق للحـي
اتنفسـك واقـول خـلـي لفـانـي
صدري صحاري وانت في طلتك ري
تـروي بشوفـك ذابـلات المحانـي
احتاج لـك والـورد يحتـاج للمـي
تسقي غصون الحـب لـو بحنانـي
احس روحك شمس واحساسك الفي
ياموقد اشموعـي بصـدق المعانـي
لاني بميت واكذب ان قلتلـك حـي
واعيش بك واحياك والموت جانـي
ياوجد قلبي وجد مـن يتبـع المـي
واثـره سرابـن اتبعـه ماسقـانـي
اشتاق لك شوق شقـا قلـب يشقـي
شوق يشوق القلـب شوقـه شقانـي
شوق البدو لو تلمح البرق والضـي
على حراوي رشـه مـن الزمانـي
ودي زهور الكون في قبضة ايـدي
بس الزهـور تغـار لمسـة بنانـي
ودي لك اهديها وهـي بالمثـل لـي
في صحصحن ممطور والجو ثانـي
ودي ابرهن عن مدى الحـب ياخـي
وتخـون بالتعبيـر عقـدة لسـانـي