ملتقى طلاب وطالبات جامعة الملك فيصل,جامعة الدمام - عرض مشاركة واحدة - اللغة الانجليزية third year english student second term

LMo0o · 2011- 5- 26

اقتباس:

المشاركة الأصلية كتبت بواسطة M.A.S

هي القصه عن باولا .. كان عندها ماضي سيء كانت صايعه وضايعه
بعدين تزوجت اوبري وهو من عائله راقيه وقررت تتوب وتتغير
اوبري عنده بنت اسمها ايلين من زوجته الاولى اللي ماتت
ايلين مربينها على دين متشدد مرره وكذا.. وما قالو لها عن ماضي باولا عشان ما تكرها
القصه كلها عن كيف باولا تبي الناس يحترمونها ويسامحونها على ماضيها تبي تكسب احترام المجتمع

طبعاً محد يعطيها وجه ولا احد يزورها من اصدقاء العائله اللي كانو قبل يزورونهم دايما
مع ان زوجها مرره يحبها ويعاملها مرره زين بس هي تبي الاحتراام

طول المسرحيه وهي شيل وحط مع ايلين ليه ما تحبيني وليه ما تعطيني وجه
وبعدين فيه شي مهم اللي هو " غييرتها من ايلين " يوم قالت لزوجها اني اغار منها لأنك تحترمها وتحبها وانا ما تحترمني

< مهم هالكوتيشن اقروه
وفيه كوتيشن ثاني يوم تقول لايلين ليش ما تحبيني عامليني زي امك الثانيه
كس مي هق مي مدري وشو

بعدين تدق جارتهم وتقول ابي اخذ ايلين معاي للندن عشان تكتشف المجتمع وتاخذ اكسبيرينس وكذا
باوللا تكره الجاره هذي لانها ما تجيها ولا تزورها ... وتعي على اوبري لا يخلي ايلين تروح معها
واوبري مصر يخليها تروح!
تقوله ليش تبي تخليها تروح ؟ لأنك تحس اني مو كفو اقعد معها ومو زين انها تختلط معي
*دايم اسلوب باوللا غير حضاري - يعني تقول خرابيط مالها داعي امبروبريت قدام الين*
يقولها ابري يس ! ابيها تختلط مع ناس غيرك..
تسافر ايلين وتزعل باولا وتقول بعزم ناس مدري من هم * الظاهر انهم اصدقاءها يوم كانت وصخه

*
ويعي اوبري يقول لا ما نبيهم لا ترسلين لهم رساله دعوه
وهي تعانده وترسل

ويوم جو حومو كبدها سخيفين وتافهين وتصير مواقف كثير تبين هالشي
وهي بنفس الوقت ما تبي تعترف باهلشي وتراضي رجلها

وش بعد

ايه ايلين ترسل رسايل من لندن وتسرقها باولا وتقراها ولا تلقى ولا سطر عنها وتنقهر وتوزيها عن اوبري
بعدين يأنبها ضميرها وترجعها وهو يسوي نفسه ما اهتم وتعصب تقول ليش تعاملني كذا اسلوب الصمت هاذا هو اقسى انواع العقاب
وترجع ايلين من لندن وتبي تتزوج واحد تعرفت عليه هناك
هذا الرجال يطلع كان حبيب باولا من زمان
وهي لازم تقول لهم

بعدين فوت هذي المحاضره فـ ما ادري وش صار

< اللي يعرف يقولنا

بس اللي اعرفه انها بالاخيير باولا بتنتحر والسبه ايلين ورفضها لمسامحتها على ماضيها الشيء
هذا الشي له علاقه بالفيكتوريانزم
وتقول اخر شي ان اللي لها باست نو واي يصير لها فيوتشر وبس

دعواتك

يعطيييييييك العافيه حتى انا المحاضرات الاولى ماحظرته وفهمت اشياء كثير منك

الكماله ان بولا تكتشف ان الين بتاخذ خويها السابق

مع ان اوبري كان فرحان ومستانس بزواج بنته
بولا كلمت خويها وقالت له معصي تاخذها
قال اذا علمتيهم بسوي شي ما يعجبك (الضاهر بيموت نفسه

)
ووهو فعلا عندهم مايصلح واحد زيه ياخذ الين لانه كان عايش مع مرت ابوها وله علاقه فيها
كذا الفكتوريين مايجوز عندهم
فهوو مايبيها تكشف هالشي لانه يحب الين وهو تحبه
اصرت وراحت علمت اوبري انصدم قالت له بالحرف (كنا انا وياه عايشين ببيت واحد

)
<نحيسه خخخخ
....
اممممممم بعدها وقفت بتول خلص الوقت
وقالت لنا باختصار انه بولا راحت لغرفته منهاره وقتلت نفسه
شافته الين همن منعت ابوه يرقى يشوفه وهي اللي قالت لهم خبر وفاته

وتوته توته خلصت الحدوته
اذا انا مخربطه بشي اسمحوا لي