طبعك تغيّر ياهوى البال وش صار ؟ = أشوف كنّك نـاوي(ن) لـي بصـدّه
في حبّكم يامشغـل القلـب محتـار = بين الرجا واليـاس قضّّّيـت مـدّه
ياحيلة الله سـرت قاسـي وجبّـار = اللـي تولّـع فيـك بيّحـت سـدّه
خدعتني واصبحت خايـن وغـدّار= وانا احسب ان اللـي يـودّك تـودّه
عقب الوفاء بدّلـت طبعـك بالانكـار = وين الوفاء ؟ وين الغلا ؟ والمودّه ؟
عقب السعادة صرت في هم وافكـار= عقب الرخاء سارت حياتـي بشـدّه
فالعبد ماله عن تصاريـف الاقـدار= اللـي كتبـه الله محـد(ن) يـردّه