تخطي واسامح وادمح الذنب وارضيك
وامشي علي كيفك واساير زمانـي
واتغيب عني واذرف الدمع وابكيـك
مالله عطانـي منـك مالله عطانـي
اليا اجرحوك ارجع لجرحك واداويـك
واليا اجرحوني زدتني جرح ثانـي
وقفـت دونـك يـوم كلـن يعاديـك
وارخصت نفسي يوم قلبك جفانـي
ياعلقم الدنيـا علـى قلـب راجيـك
وش حيلتي مـادام قلبـك نسانـي
جازيتني ياجعـل ربـي يجازيـك
وانا علي سقم الهوا منـك اعانـي
طبعك تغيـر واختلـف كـل مافيـك
جامل ولومـره واسامـح عشانـي
شـوف القصايـد وقفـت لاتغنيـك
ترجي وتشكي من وصالك ثوانـي
وعجزت عن احروف الكتابه معانيك
ماحصّلت غيـر الشقـا والهوانـي
وان كان غشتك الظنـون وهقاويـك
ويرظيك كل ماهو حصلي وجانـي
وتبغى تشوف الذل في عيون مغليـك
عليك انا ابعد من سهيـل اليمانـي
اما تعال وصاف من جـاء يصافيـك
والا ..... واعرف الوقـت فانـي