ما يدوم العمر وان دام يعني كم يـدوم=عام شهر اسبوع ساعـة دقيقـة ثانيـة
هادم اللذات جزاع وحصانـه عـزوم=ودرجة المحال تلحى حبـال السانيـة
وردة اسباب المنايا يا مثل زرق السهوم=كم فقدنا من صديـق ورفيـق وعانيـه
ما بكينا الا على اللي يسـدون اللـزوم=جعل ما واهم جنان القطـوف الدانيـة
ما وجدنا في مداهيلهم غيـر الرسـوم=كنهـا تـقـول فـرقـا ودار فانـيـة
اتحلف ما طب فيها من القيمـان قـوم=لا بـقـى ديــر ولا دار ولا آنـيـة
يالله بفعـل يجمـل وحـظ مـا ينـوم=موت ولا عيـد ثانـي وفرحـة ثانيـة