شكرا يا دكتور علي عالموضوع
انا بصراحه يادكتور احس عندي رهاب اجتماعي ولاني عارفه اذا هي حاله مرضيه الي امر فيها ولا طبيعي كذا ؟!
يعني واثقه من نفسي بس ماادري ليه عندي خوف من الاماكن المزدحمه ودايما احس ان الناس تطالعني وتتكلم علي يمكن الي يشوفني مايتوقع ابد ان في داخلي خوف واتصرف عادي لاكن يادكتور فعلا احس حالتي موب طبيعيه .. ..
وانا فعلا مااتعاطي اي نوع من الادويه الي ممكن يتسبب بهذا النوع من القلق والرهاب ..
مثلا والدتي اجتماعيه واختي كذلك وانا طول عمري متعوده اكون في الظل والان اختي تزوجت وصرت انا بالواجهه ولو صار اي مناسبه لازم اكون مع الوالده .. واكتشفت اني اخاف بصوره موب طبيعيه .. يعني اذا جاء بيتنا ضيوف وانت عارف اطباعنا لازم البنت الكبيره تضيف وربي اني ارجف واتوتر وطول المناسبه ولا اقدر اتكيف وحتى اذا صار وقت العشاء مثلا مااكل لاني داريه اني برجف !!!
دكتور انا اول مره اكون صريحه مع نفسي واعترف ان عندي مشكله ياليت تنصحني كيف اتصرف .. والدتي دايما تحاول تساعدني وتشركني معاها عشان اصير اجتماعيه لاكن هذا يخوفني اكثر ماادري هو خوف من مواجهه الناس او ايش .. ..
لاكن ماصرت القى راحتي الا بالانطواء على ذاتي .. مع العلم يادكتور ان عندي صديقات مقربات وبعض الناس الي امون عليهم يفكروني اجتماعيه لان اي احد اكون على معرفه بشخصيته وامون وارتاح عليه مايتوقع اني اعيش هذا الرهاب وفعلا في المجمعات مااخاف وخاصه اذا كانت تجمعات عوائل ونساء .. لاكن اذا كان تجمع شباب مااقدر اخاف ..
ادري دكتور اني طولت عليك لاكن اتمنى لو تفيدني لو بنصيحه وبكون شاكره لك