انا مالي اي دخل لا انتم شايفيني ولاني شايفكم لكن عندي نصيحه اخويه
اللي بالشمال واللي بالشرق خصوصاً ،،، المدرسه بعيده وتعرفون الزحمه في الرياض خصوصاً الظهر وقت خروج الموظفين من دواماتهم
الاختبار مثل ما انتم عارفين يبدأ الساعه 4 ويقولون لازم تكون ثلاث إلا ربع في قاعة الإمتحان
فنصيحتي هي لازم تمشون الساعه وحده ونص إذا كنتم متأخرين بعد لعدة أسباب منها
1ـ يوم يجي وقت الإمتحان إلا وانتم رايقين ومرتاحين بعد عناء المسافه والزحمه والحر
2- لو لاسمح الله ضيعتوا المكان أو توقف سعادة الطريق الدائري أو غيره من الطرق يكون عندكم وقت كافي للوصول
3- يمديكم بعد الوصول لموقع الإمتحان مذاكره شيء بسيط وهذا يسهل عليكم استذكار المعلومه
حبيت اوصل نصيحه اخويه لكم مع العلم إني في شرق الرياض واختباري في مدارس العبير مثلكم وناوي امشي الساعه 1 او 1:20 تحسباً لأي طارئ لاسمح الله
طبعاً انتم اهم شي الاختبار الاول بعدين راح تعرفون كم يبي لكم من وقت لقطع المسافه وراح تقللون الوقت فيما بعد
لكن الأهم الاختبار الاول لعدة اسباب والكل يعرفها ولا تنسون قلم hb رصاص وخوذو قلم ازرق بعد ولا تنسون شهادة التعريف وكرت العائله او البطاقة الشخصيه الاصل وكرت العائله الاصل
الله يوفقني وإياكم