لاصار وقتك من ذهب ألماس وقتي يحتريك
وإلياابتسمت وجيتني بقربك ترى يذوب الذهب
ولاصار بعيونك دفا بركان قلبي بين ايديك
ولاصار قلبك موطني تلقى السعاده بالهدب
القلب تاه بضمتك والعين ولهانه عليك
والشوق حس بغيبتك شوفه توهج وإلتهب
خل العتب عنك بعيد دامك تبيني وأنا أبيك
وإن غبت عني وجيتني شوفك ينسيني العتب
مشغول عنك؟ هذا أنامشغول عنك بس فيك
كيف أجمعك وإنت الكثير إنت السهل وإنت الصعب
قل لي عن نجوم السما إن نورها منك إليك
قل لي إذا حل المسا نورك يولع بالحطب
قل لي أحبك قولها قل لي أبد مالك شريك
كم راقني إحساس الهوى رغم الماسي والغضب
ياللي أحبك واشغلك قلبي غرامه يحتويك
أشتاق لعناق الفضا وأهيم بأشكال السحب
قلبي تمرد بالغلا عاف الجسد قاصد يجيك
ماتنتسب للحب قول الحب هولي ينتسب