|
رد: سجل حضورك اليومي بكتابة بيت من الشعر
]عنيت صوبك يوم طال انتظاري
غلاك خلا القلب منهي ومامور
سريتني وانا ماحب المساري
ورجعت منكم خاطري غير مجبور
طرى عليك بتالي الليل طاري
والا تسلا يادعج العين مسرور
قلبي يحبك وانت بالوضع داري
وش حيلتي لاصرت داري ومغرور
خليتني مابين بايع وشاري
احذرعلى القلب المولع من الجور
حبك مناي وجنتي وانت ناري
وايضا دوا قلبي وللقلب دكتور
يانور عيني رغبتي واختياري
اليا نظرتك شفت نور على نور
بالوصل ياليتك ترد اعتباري
لا لا تخليني من البعد مقهور
انا اشهد اني ذقت مر العزاري
مما جرالي خاطري منك مكسور
واقت الضحى كني بوسط الغداري
امشي مع العالم بلا حس وشعور
اخاف اموت ويطلبونك بثاري
يلحقك باسبابي عواقيب وعثور
لكن ياهل الثار هذا قراري
لوهو ذبحني عشر مرات معذور
|