صباح الخير ياقلبي .. صباح الروح يااغلا إنسان
صباح الطيب والبسمه صباحك داخل عيوني
صباح المسك والعنبر.. صباح الشوق والتحنان
صباح الصبح للعالم. وصباح الناس للكوني
صباح القاف والمعنى.. صباح البحر والأوزان
صباحك شعرٍ والحانٍ ترُنم داخل شجوني
بربك قلي شخبارك بعد ماجيت لك ولهان
حبيبي صدق بوجودك تعال وناظر جفوني
اناظر وجهك البارق واتوه بعالم النسيان
وربي بعد ماأشوفك تزايد عندي جنوني
لقيت بصبحك الدافيء جمال الرسم والألوان
بصراحه.. يوم ترسملي تجمُل رسمي وفنوني
سرحت بطيفك الرائع كأني ساكنٍ بستان
وحولي ناس من ربعك حقيقة صدق حبوني
حبيبي والله أحبك وإذا ناوي على برهان
أبثت لك مدى حبي .. وأبيع الناس لاجوني