تعال.! وناظر أشواقي كأن بداخلي إنسان
ينادي للعرب ويصيح.. امانه لاتلوموني
سحرته إبسمة شفاتك تدلُع كنك الغزلان
تبتخُتر دايم قباله.. يصيح اليوم مفتوني
تلعثُم يومك تنادي.. تقول اطربنا يافنان
نسى شعره / نسى فنُه / تغُير عنده اللوني
جريحٍ جاي يصبح لك جريحٍ جايلك عطشان
فقد صبره بعد ماشاف جمالك ألف مليوني
ياعمري فدوت عيونك ملوك الصين واليابان
ومعاهم كل من قالوا تفضل.. ثم حيوني
أبيع الناس لعيونك.. وترى منهم عشر اخوان
وأبيع الدنيا بأكملها مادام انك ملك كوني
صباح الخير ياقلبي صباح المسك والريحان
صباح الطيب والبسمة صباحك داخل عيوني