كنت صبح و صوتك اشبه بـ الهديل
.......................... و صرت طفل و فاقدٍ لي اذرعك
ما بغيتك درب الأوهام الطويل
.......................... كنت ابي آخر مشاويري معك
سمنّي ، اوّل متاهات الرحيل
................. و انتثر في دفتري لجل اجمْعك
و احتضن صدري ، قبل جرحي يميل
................... خايف ليا هبّ حزني ، يشلعك
وديّ اشعر في غيابك بـ القليل
................ من امانٍ راح معك و ودْعك !
ايه أحبك و انت وصلك مستحيل
.................. و آااصل آخر حد شوق و اتبْعك
و انت في ليلة فراقك يا بخيل
............ تجرح اكثر بـ الكلام و اسمعك ،
الشتا يقرب و انا بردااان حيل
.......... ليه خبيّت الدفا بين اضلعك ؟