|
رد: مراجعة القراءة و المحادثة من واقع مذاكرة
نكمل المحاضرة 11
الخرائط
يعني ايش؟؟ يعني شكل
عبارة عن رسوم بيانية و جداول و صور
طيب ليش يحطون هالصور والجداول في الكتب ؟؟؟ لانها تعطي فكرة واضحة عن شي مهم
طبعا احنا نشوف الصور مانطنشهم < لازم نقرا ايش اللي مكتوب تحت هذي الصور
بناء الموضوع
يعني ايش ؟؟ يعني نقول كل فقرة مكتوبة في الكتاب
تحتوي على جملة اساسية للقصة او لموضوع الفقرة
عشان كذا قبل شوي قلنا نجيب قلم و نكتب الفكرة الاساسية
وين نكتبها؟؟؟ نكتبها في الهامش
والافكار نكتبهم ورا بعض وبكذا بتكون عندنا خريطة من بنائنا وتصورنا للموضوع
التركيز و التثبيت <<< ورانا ورانا 
الخريطة الذهنية يعني ايش
يعني ترتيب النقاط بنفس ترتيب الكاتب
بواسطتها تعرف كيف بنى الكاتب موضوعه وبالتالي نكتشف نقاط الضعف في الموضوع
كيف نكتشفها؟؟
بخليكم تتخيلون شوي
مثلا احنا نقرا كتاب عن الالقاء
تعرض لنا الكتاب الى كل شي الا صفات الخطيب
هل هذا كتاب مقبول بالنسبة لكم؟؟؟؟
اكيد لا !! طيب ليش
لانه فقد نقطة اساسية لكنها ركيزة مهمة و تعتبر من نقاط ضعف الموضوع
|