الكادي

الله يسلمج يا رب


ـــــــــــــــــــــــــــــــــــــــــــــــ


I T A L I A N O



لا يروح بالج بعيد .. كلكم فيكم خير وبركه , لكن بنـاس بنتنـا و معانا في نفس المركز و علشان جذي نمون عليها ,

دامج موصيتهـا خلاص أجل أمورنـا طيبه .. الحكومات تعرف حق بعض ,

ما شاءالله .. طموحج حلو , عسى الله يحققه لـج و نشوفج ماجستيريه و دكتوره بإذن الله ,

بس نصيحه مجرب تقبليها مني .. إصعدي الدرج درجه درجه ,

لا تحطين أحلام من الحين , خلي كل شيء يجي مثل مالله كاتبه .



ـــــــــــــــــــــــــــــــــــــــــــــــ


بنـاس

السموحه .. شكلي عمّيت عليج ,

يسلم راسج يـ البنتاخي , و صدقيني ما نبي إلا سلامتج , لا تكلفين على روحج و تجيبين شيء , أعرفج تسوينها ,

لا تخليني أحلف عليج إنج ما تجيبين شيء .. صج الراس ما يصحى إلا بالقهوه النيباريه وما ينفع له لا موكا و لا فربتشينو

ولكن الحين حر و الجو حار و المكيف خربان .. وفوق هذا نشرب قهوه .. يعني حار فوق حار ..

قلنـا بدو بس مو نقط نفسنا بـ التهلكه و نذبح أرواحنـا ..

المشكله إننا ما ندري وين إختباراتنـا , كل إختبار في قلعة وادرين , اليوم هنيه و بكره هناك ,

و أنتم مدري عنكم .. هل أنتم ثابتيـن في مبنى الإتحاد أو راح يغيرون مكانكم مثلنـا ؟!!



ـــــــــــــــــــــــــــــــــــــــــــــــ


دوشي

يالله حيهـا ,

ما شاءالله عليج .. أجل عيونج ما فارقت ورقتج ,

تصدقين ما أعرف أحل إذا فيه واحد يبيني أغششه , أسوي المستحيل بس ما أرده خايب

في الفصل اللي طاف في الخفجي وكنا نختبر في صالة كبيرة , سحبوا ورقتي لأني كنت أغشش صاحبي ,

و عصب علينا رئيس المركز و زعل و أخذ ورقتي معاه و راح وانا وراه أفرفر بين الطلبه و هو يقولي خلاص روح مالك إختبار ..

يا ليل الــليل .. يا ابن الحلال ما حليت شيء , يقولي انت فاضي تحل , أنت جالس تغشش وناسي نفسك !!

والله يجزاه خير واحد من المراقبين شكلي كسرت خاطره وجاني وسألني أنت كويتي .. قلت إيه ,

مدري شعرفه إني كويتي !! الظاهر ما يغش إلا الكويتين هناك ,

وسألني سؤال ما توقعته وهو شنو أصلك ؟ قلت له مطيري .. ليه ؟

قالي لا تروح خلك .. و راح وكلم رئيس المركز و طلبه و أخذ منه الورقه و جابها لي ,

جيت أبي أرجع مكان ما كنت جالس عند صاحبي .. أبي أكمل تغشيش ,

بس رئيس المركز شافني وجاني وسحب ورقتي و حطني في نص الصاله .. ما حولي أحد .

وفي الإختبارات اللي وراها صرت من أدش الصاله و إلا واحد من المرقبين يناديني و يقولي روح إجلس في نص الصاله !!

أسأله ليه ؟ يقولي عليك توصيه من رئيس المركز .. إمحق توصيه .