[ALIGN=CENTER][TABLE1="width:95%;"][CELL="filter:;"][ALIGN=center]

اقتباس:

دوشي يالله حيهـا , ما شاءالله عليج .. أجل عيونج ما فارقت ورقتج , تصدقين ما أعرف أحل إذا فيه واحد يبيني أغششه , أسوي المستحيل بس ما أرده خايب في الفصل اللي طاف في الخفجي وكنا نختبر في صالة كبيرة , سحبوا ورقتي لأني كنت أغشش صاحبي , و عصب علينا رئيس المركز و زعل و أخذ ورقتي معاه و راح وانا وراه أفرفر بين الطلبه و هو يقولي خلاص روح مالك إختبار .. يا ليل الــليل .. يا ابن الحلال ما حليت شيء , يقولي انت فاضي تحل , أنت جالس تغشش وناسي نفسك !! والله يجزاه خير واحد من المراقبين شكلي كسرت خاطره وجاني وسألني أنت كويتي .. قلت إيه , وسألني سؤال ما توقعته وهو شنو أصلك ؟ قلت له مطيري .. ليه ؟ قالي لا تروح خلك .. و راح وكلم رئيس المركز و طلبه و أخذ منه الورقه و جابها لي , جيت أبي أرجع مكان ما كنت جالس عند صاحبي .. أبي أكمل تغشيش , بس رئيس المركز شافني وجاني وسحب ورقتي و حطني في نص الصاله .. ما حولي أحد . وفي الإختبارات اللي وراها صرت من أدش الصاله و إلا واحد من المرقبين يناديني و يقولي روح إجلس في نص الصاله !! أسأله ليه ؟ يقولي عليك توصيه من رئيس المركز .. إمحق توصيه .

يا اهلا و سهلا ,, الله يحييك
من جد و الله ما تفارق الورقه تشوف راسي لاصق بالطاوله

أنا لو احدد لف علي عشين اغشش أتووتر , ما اعرف و احس بالذنب استغفر الله ><
لا أغش و لا أغشش ( NO '3ash'3asha )

ههههههه , ودي أقول تستااهل على الموقف بس حراام
الله ما يرضى , الواحد صدق يكسر الخاطر لو ما عرف الجواب , بس الله كريم نحاول نعصر البطيخه
يمكن يطلع أي اختيار , بس قلبكم قوي و ربي يقويكم زياده

اقتباس:

مدري شعرفه إني كويتي !! الظاهر ما يغش إلا الكويتين هناك ,

يمكن من شكلك
الكويتين يبين و مكتوب على جبهتهم ( كـــــــــــــــويتي )

اقتباس:

دنشششششي موووفقه انا بكرا بريك والثلاثا مادتين :( ربي يحفظك

بنووس اشبك دمجتي اسمي باسم دنفش
صرناا دننششي هههههه فديتك
ان شاء الله حليتي كويس اليوم
الله يعينك و يوفقك انتي كماان
[/ALIGN][/CELL][/TABLE1][/ALIGN]