بسم الله الرحمن الرحيم
آخباركم عساكم بخير
آدري البعض منكم مستغرب من موضوعي و آن تونآ عن آختبار النحو
بس بقولكم شي الكل ينتقد الدكتور جزء ان آسئلته صعب و آنه يجيب خارجي
بس للآمانه عمره مانزل آسلئه وقال تقيدو فيها
حتى لما نزل ملزمة النحو التطبيقي 1
قال بنتي ترا انا بجيب نسبة آسئله خارجيه 30% لكن 70% راح تكون من الملزمه لآن نسبة الرسوب المستوى اللي راح نسبه تعتبر عاليه
يعني نشكره ولالا ؟
بين لنا عشان ما ننصدم آوك ؟
طيب آنت الحين بقول حسبي ونعم الوكيل للي قال كلام ووعدنا انها ماتطلع من المحتوى والاسئله
الدكتور غسان نآيفة اللي حقد على آحد طلبة الاداب السفهاء و انتقم مننا بسببه
بقول لطالب اللي تسبب علينا حسبي الله ونعم الوكيل
دكتوري على عيني وراسي واكن له الاحترام لهذه اللحظه بس مصدوممممه
للآمانه ضامنه درجة النجاح بسم الله علي مو شينه بالانجليزي
بس اجهدت عيوني اذاكر قطع رغم اني كل الصباح كنت بالاسعاف لآن عندي حساسية صدر وبالحيله اتنفس
يا دكتور شنو ذنب اللي يبي التفوق و الامتياز
طيب لنفرض فيه قطع آضافيه تنزل قبل دقايق بسيطه من الاختبار شلوون ؟
و ربي فيني قهر وربي محد يحس بقهر اللي مجتهد وفصفص الماده بالنهايه ينقصه 20 درجه آو ممكن اكثر لآنه غير بصيغ القرمر
عمرها ما صارت كل القطع من المنهج والمحتوى ليه هالقطع الحين طلعت من المنهج
آي وربي اعترف اني اصيح و فيني قهر مايوصف
ما سلموني الورقه الا بعد ساعه من الاختبار بعدها حليت كل شي تمام القطع وقف عقلي لاني عقلي مبرمج على القطع الـ 6 اللي معانا تعبانه مانمت و بالمستشفى الصباح
يعني ما انكر القطع اللي جابها مافيها صعوبه توصف بس كان فيني ضيق تنفس والقاعه بارده ماقدرت اكمل واحلها حل صحيح
نفسيتي دمار