ملتقى طلاب وطالبات جامعة الملك فيصل,جامعة الدمام - عرض مشاركة واحدة - طلبة الكويت حياكم بجامعة الخالديه ~>مركز اختبارنا بالكويت

SaD HeArT · 2011- 5- 30

اقتباس:

المشاركة الأصلية كتبت بواسطة بناس

سآد

والشنطه جتك عندكم ههههههههههههه ؟؟

الله يستر انتم راس المال هههههههههههه البركه انتم هههههههه

يمكن لان اليوم اغلب البنات غايبين ,,

وحطوكم بقاعتنا

بنـاس

افا .. طلعتي خوافه .. و أنا أمدحج و أقول الوحده عن 100 و أثاريج خوافه

..

حشى كونـا مو عصفوره

,

الله يخليج و يخلي لج العصفـورة

,

ايه صح .. اليوم دخلت القاعه 4 إلا 10 دقايق , ولما دخلت وإلا الشباب داشين و يعبون البيانات ,

أثاريه فاتح القاعه قبل ربع ساعه من بداية الإختبار علشان يعطي الشباب مجال يعبون كل بياناتهم ,

الله يجزاه كل خير , و يعطيه على قد نيتـه ,

بس فيه شيء لفت نظري قبل لا أدش القاعه ..

لقيت بنت مو منقبه واقفه عند قاعتنـا مدري شفيهـا !!

مسكينه .. كان واقف عندها 3 بنات و كلهم راحوا حق قاعاتهم ما عدا هي !!

ولما طلعت لقيت وحده ثانيه بس كانت منقبه واقفه عند القاعه

الجنطه عجيبه .. الحين جامعه وهالله هالله و آخرتها جنطة سفر ,

تدرين لو تنسرق الجنطه أو تضيع كل اللي في مركز الكويـت يتوهقون ..

كل شيء في هالجنطه .. نماذج إجابات .. أوراق أسئلة .. أقلام رصاص .. حاسبة .. أسامينا .. أساميكم ,

الله يستر عـ الجنطه و يحفظهـا لين ما نخلص إختباراتنـا على خير

.

اليوم عطونا إستبيـان عن مركز الإختبار ..

يا إني مدحت في المركز و المراقبين مدح مو صاحي

و آخر شيء قلت لهم أتمنى تثبيت المركز لتزايد عدد الطلبة و الطالبات من الكويت في المستقبل

.