يالله تبعدني عن الهم والضيق
وعن الامور المعضله في حياتي
وقرّب علي حسن العمل والتوافيق
وادمح ذنوبي ,, وعفو عن سيئاتي
ادعيك من ضاقت علي المغاليق
الين ,, مالنّت ,, وتمايل ثباتي
وجيتك ,, ولاملك للدعا ,, حسنه اتليق
حتى الصلاه ,, امقصر(ن) في صلاتي
يارب ,, يارب السما والمخاليق
ياقابل ابـ عفوك ,, دعاي ورجاتي
بالامس ,, في جيّت غد(ن) مقدر اطيق
متعلق ابعض الامل وامنياتي
وراحت حياتي ,, كلها دون تحقيق
ولا جمعت ابها حسان ابـ سواتي
اللي جمعت ابها ,, حصى كشب ,, وطويق
عد الذنوب اللي مضت في حياتي
طايش ,, مع ربع الدنا والمطافيق
اللي معاهم ماتزانت خطاتي
واليوم ,, اخاف اني ليا نمت ,, مافيق
والظاهر اني ,, مقترب من مماتي
عساك ياربي قبل ينشف الريق
تدمح وتغفر يالولّي سيئاتي
واتّجمع اخواني ( معاي ) المطاليق
اللي دعاهم ,, متفق مع دعاتي
في جنت(ن) يجلا بها الهم والضيق
بمقابلت,, امي وابوي وخواتي