المشاركة الأصلية كتبت بواسطة الفاتنه~

شفتكم خايفين من الماده قلت ما يصير لازم اعطيكم فكره عنها

ترى هالماده بالذات السمستر اللي راح كنا مره خايفين منها
لأنها تعتمد ع السمع وشي جديد
لكن بصراحه اغلبنا بعد ما طلعنا من الاختبار ما توقعنا انه بهالسهوله
وهالسمستر عندنا استماع وتحدث ونفس الدكتور
وكلنا انبسطنا من الاختبار ودنا نشكر الدكتور بأي طريقه ..

يعني تطمنوا ..

بالنسبه للقطع الدكتور ما يجيب قطع خارجيه

راح يقول لكم قطعه وانتوا بتسمعونه لحد ما يخلص وطبعا اسلوبه مره سهل ونطقه واضح
زي الواجب واوضح
بعدين بيسأل مثلا يقول السؤال رقم واحد ويسألكم ويسكت شوي
وانتوا تختارون وتظللون وبعدين بيعيد السؤال ويسكت
وبعدين يسأل السؤال اللي بعده وهكذا ..

فيه اسئله تجيكم خيارات وكلها متشابهه
وهو يقول مثلا جمله وتركزون معه وتختارون وش الجمله اللي قالها ..

وفيه اسئله جمل وفيها فراغ وهو يقراها كامله
وانتوا تختارون الكلمه اللي قالها في الفراغ طبعا لازم تركزون لأنها بتكون متشابهه ..

وفيه اسئله يقول لكم تعريف وانتوا تختارون الكلمه اللي بنفس المعنى اللي قاله ..

وفيه اسئله يقول لكم محادثه او معلومه ويسألكم عن شي فيها
وتختارون ..


بس تقريبا هذا هي كل الاسئله اللي ممكن تجيكم ..

كل سؤال راح يعيده مرتين وتطمنوا راح يسكت يعطيكم فرصه تحلون
ولما يخلص السي دي راح يعيدونه مره ثانيه
يعني كأن السؤال انعاد 4 مرات حتى القطع والمحادثات ..

وراح يمديكم الوقت وزياده
ويمكن يكون اكثر اختبار تخلصونه بسرعه ..


نسيت اقول لكم حاولوا ما تتأخرون
لأنهم راح يشغلون السي دي لما يبدأ وقت الاختبار
ماراح ينتظرون احد على حساب وقت البنات ..

بالتوفيق