المشاركة الأصلية كتبت بواسطة ذكيه ميه بالميه

فعلاً في طلاب وطالبات للحين ما يعرفون كيف يرفقون ملف

وفي بعضهم ما يعرفون كيف ينظمون الكتابه في موضوع

كل هذا لأنهم يشوفون المواضيع الثانيه منظّمه ويخافون احد يضحك عليهم او يعتّب على معلوماتهم وهم يفكرون انه عيبه عليهم بس والله بالعكس

اول ما سجلت بهالمنتدى ما كنت اعرف كيف اعدل لون الخط وساعدتني رنو وقالتلي اشلون اغيره وما زعلت او استحيت بالعكس اعتبرتها خطوه للامام ما انسى لها الفضل من بعد الله هالانسانه

بعدها ما كنت اعرف كيف ارفق ملفات كنت بس الصق الكلام اللي اكتبه بالوورد بموضوع وكل شوي افتح موضوع على معلومه بعدها تعلّمت حبه حبه كلها كانت بالمستوى الاول رغم اني جيت متأخر على الاختبارات كتنبيهات لم يكن كشرح مفصّل

فلقيت طلبات من بعض الطلاب والطالبات لمزيد من التنبيهات للمقررات وكان يأخذ وقت مني لأن ما كانت عندي اي خبره ابداً وهذا اول منتدى اسجل فيه بعمري وسرت انزل المزيد والمزيد

بالترم الثاني جاتني عضوه ناسيه من هي بصراحه وللاسف ما ذكرت اسمها علمتني اشلون اسوي ملف وارفقه والحمد لله طلعت بموضوع لماده بالسمستر الثاني كان شرح وملفات وورد ونجح رغم ان واجهتني صعوبات بالمعلومات الا اني تعديتها

بالترم الثالث تعاونت مع مجموعة طلاب وطالبات لحد يقول اني فتحت مواضيع لوحدي لولا الله ثم هؤلاء الطلبه ما كان لقيتوا مواضيع مثبته وممتازه

زبدة الكلام مافي شي يجي بسرعه ولوحدك ومو كلنا ننولد مبدعين وكاملين

وصدقوني مافي احد يضحك على الثاني واللي يضحك يدل على انه يريد تحطيم العضو الاخر

اتمنى اننا نتعاون ليس ان نتنافس لأن من اخلاقنا الاسلاميه الحث على التعاون

نصيحتي صمّموا على الفعل لا على القول من غير الفعل

وكلنا موجودين للمساعده والمعاونه لحد يتعذّر ترى بالترم الرابع نبي نخطط كيف نتفاعل بشكل احسن موتجون اخر الترم وتحوسون الدنيا

ان شا الله بعد الامتحانات راح نرتب امورنا اتمنى ان الكل يكون متواجد

موفقين واسفه على الاطاله