|
رد: سجل حضورك اليومي بكتابة بيت من الشعر
البارحة مدري وش اللي خذاني
 يوم اجنبوا عني من الضيقة اشملت
جيت أتكلم بس عيا لساني
ماكني إلا مرتكب ذنب واخملت
الله يسامح من ذكرت ونساني
وأنا أدري إني لاذكرته تجملت
عانيت وأدري كل طيب يعاني
وعلى حساب طعوني الخضر جاملت
ياماخذوا مني ولا احدأ عطاني
من طيبتي في حق نفسي تساهلت
عزاي لامنه تجهم زماني
يممت وجهي للكريم وتوسلت
واللي يبي قربي وبعدي لقاني
أمشي على وضح النقاء ما تختلت
يامن سكنت اجمل زوايا كياني
ياما على نفسي عشانك تحاملت
مرات احس انك معي شخص ثاني
ومرات احس انك حبيبي وما زلت
لاتفرح انك دجت بين المحاني
لو ماتخون الذاكره ما تسللت
عشان ماضيك الجميل وعشاني
حاول تشيل من الوفا ربع ماشلت
!!ماني على خبرك حبيبي تراني
حتى عن اصغار الاماني تنازلت !!
|