|
رد: استـفـتــاء: تفضلوا بالدخول لأبداء آرائكم عن موادنا الدراسية ودكاترتنا الأفاضل
في البدايه حاب أشكرتس أختي على الموضوع اللي بصراحه أكثر من رائع وتستاهلين التقييم أنتي بعد
بالنسبة لمادة الإحصاء أول ماسجلت بالجامعه وعرفت أن فيه إحصاء تعقدت لأني بصراحه متعقد من الرياضيات عموما لكن بعد ماشفت أول محاضره أرتحت لأن الدكتور شرحه مره رائع لو عندي صعوبات تعلم كان فهمت عليه يعني غصب يوصل المعلومه وغصب على اللي مايفهم يفهم. وكان اختباره مره سهل من المراجعه قول وفعل
ولو فيه أكثر من التقييم كان قدمته له.
بالنسبة لمقدمة في التربية ماده ممتعه وشيقه صحيح أن كلامها كثير بس أحسها مفيده ولا أنسى الدكتور بصراحه ماقصر معنا أسئلته مباشره ويستاهل التقييم.
بالنسبة للأنجليزي ماده تعتمد على الحفظ بشكل كبير وخاصة الكلمات وماهي صعبه على اللي يعرف يقرأ أنجليزي لكن المشكله الدكتور قال اعتمدوا على المراجعه واعتمدت عليها لكن مع الأسف ماجاب الا قليل منها وكذلك لا أنسى القطعه اللي حذفها وجابها بالأختبار بصراحه مقلب واللي سواه ماينسكت عليه ولنفرض أن الأسئلة تغيرت من اللجنه حسب مايقول يفترض منه كأستاذ جامعي أن مايحدد شي للأمتحان على أساس أنه مو واثق الأسئلة هو اللي بينزلها أو اللجنه وأنا بصراحه فكرة اللجنه ماهي داخله راسي ولا أقدر الا أقول أن تقييم هالدكتور بالسالب يعني out.
بالنسبة لمبادئ التربية ماده حلوه وأسئلتها برضو حلوه صح فيها صعوبه للي مافهم الماده وبالنسبة للمراجعه الي نزلها أغلبية الأسئلة جات منها قول وفعل ويستاهل التقييم.
بالنسبة لعلم النفس ماده حلووه للي هاضمها وتعتمد على الفهم بشكل كبير وقد يختلف الفهم من شخص لشخص آخر لكن المهم اللي هو الأسس في علم النفس ماتتغير ولازم تفهم وتنحفظ وأنا بصراحه حاب هالماده وهي الماده الوحيده اللي تابعت محاضراتها كامله ويستاهل التقييم قبل الأختبار.
بالنسبة لمادة التحرير العربي ماده فيها صعوبه شوي لكن بالنسبة لي أحب هالماده لأني كنت مبدع فيها أيام الابتدائي والمتوسط والثانوي كنت أجيب دائم ممتاز وأذكر أن أحد اخواني يقول أمي يوم حملت فيك توحمت على كتاب لسيبويه ودكتورنا يستاهل التقييم قبل الاختبار وبعده
بالنسبة للصحه متعقد منها شوي كلام كثير وقوانين وأرقام لكن الله يعديها على خير ولا راح أقيم الدكتور إلى إذا حليت زين بالاختبار
|