غلطان أدري وأعترفلك في خطاي
وأعترف إني بحق نفسي واجد أخطيت
كنت أحسبك بالوفى رعشة هواي
دقة فؤادي بالفرح على ماتمنيت
كنت أحسبك بالهنا روعة سماي
وأثرك إنته للاّسف في ظلمي تماديت
واليوم خاب الظن في حبك معاي
وتبدلت الأحوال ومن وهمي صحيت
أبسألك وش جاك مني غير رضاي ؟!
غير حزني لفرحك وموتي لو بكيت
وش غيرك وش اللي بدل الراي ؟!
وش هو الخطى اللي في حقك جنيت
كنت صادق معاك وكنت لي أجمل مناي
واليوم من جرحك خلاص أنا وعيت
وعرفت إني بيديني زرعتك شقاي
وإنك بعد إنته في ظلمي تماديت
واليوم أنا أخطيت وأعترفلك بخطاي
وأعترف إني بحق نفسي واجد أخطيت
(عزة النفس)