الإسْـبــُــــوعْ الـصـَّـعْـــــبْ ..

[BIMG]http://alajman.net/up/uploads/aba9572349.jpg[/BIMG]





يوم أمس كان إختبـار الإنجليزي كتابـة ,

و الحمدلله كان هو الشيء الجميل فيما كل أحداث الأمـس ,

رحت الدوام و رجعت البيت و درست شويء حق الإختبـار ,

والكذب خيبه , الدراسه كانت أسرع من " بيب بيب " ,

على الرغم من سهولة المادة و لكن فيها تداخلات عجيبه بين القواعد و الكلمات و الوظائف اللغوية ..!!

الـلغة الإنجليزية و آدابها درستهـا وتعمقت فيهـا في جامعة سابقه ,

ولكن هالمقـرر أحس فيه أمور ملخبطه وغير متناسقه , وما فيه بينها توافق و لا تجانس !!

عمومـا .. قاعدة طالب الإنتساب هي النجاح و المضي لـلأمام , الفهم يأتي لاحقـا ,

ويوم أمس و على غير العاده طلعت من البيت قبل الإختبار بـ ساعه ونص ,

مع أني كل يوم أطلع قبل نص ساعه , أصلي العصر في البيت و أتوكل على الله ,

كان عندي مشوار ضروري قبل الإختبار وخلصته و ضبطت أموري و رحت للمركز ,

ولـلآسف بعد الإختبار الله ما كتب لـبعض الأمور أن تتم .. ولا إعتراض على قضاء الله ,

في الطريق للبيت إحتر معاي مكيف السيارة , ويوم أمس وصلت الحرارة يا دافع البلاء إلى 50 !!

و فجـأه و إلا عداد حرارة السيارة يرتفع إرتفاع قياسي ويصل للخطوط الحمـراء !!

و الحمدلله إني كنت قريب من محطة بنزين و وقفت فيها و أفتح الكبوت و إلا البخار والدخّان !!

و جوني الهنود اللي بـ المحطة يركضون ومعاهم طفايات حريق .. خافوا إن السياره محترقه وتحترق المحطه ..

الحمدلله تسهلت الأمور و بعد ساعتين وصلت للبيت , و وديت السيارة للوكاله و تركتها عندهم لين ما تخلص .


ــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــ


أعاننـا الله جميعـا على الإسبوع القادم .. و إختباراته التي تلاحق بعضهـا بعضـا !!

و بـالنسبة لي .. اليوم يعود مسلسل حفلات العرس المتعاقبة للدوران .. مضت 3 حلقات و باقي 8 ..

اليوم و بكره و بعده 3 حلقات دسمه , و يوم السبت لحالـه كامل الدسم ..!!

إختبار مقـرر " مباديء الإدارة " , و بعدها عرس إثنين من عيال عمي !!

والإختبار فترة ثانيه , و متوقع يكون طويل و "غثيث " ,

والأكيد إننا راح ناخذ الوقت كله , يعني ما فيه طلعه قبل الساعه 8 ونص ..!!

سبحان الله .. كيف إحتمع كل هذا في إختبار الشرير نذير سامحه الله وغفر له ؟!!

عمومـا .. الله يعيـن و يسهـّل الأمور .