مساء الفل والفلفل

اختبار البحث البعض منكم حل والبعض منكم طاح بحفره زي حلاتي

بصراحه هذا اللي طلع معاي بالاختبار



ابــي انـــام وفــارق النـــوم عينـي /// ودارت على راسي جميع الدوايـر
عقــب السعادة صرت منـك حزيني /// من كبـر همـي قمـت ادخـن زقاير
ماغيــر انا اصفـق بأختبارك يديني /// حسبـي علـى وقتٍ قضيته خساير
طلعــت انا البرشــام يمكــن يعينــي /// لكـن حسافــــة كـل مافيـــه بايــر
مدري وش اللي ياعرب صار فيني /// واللي بعـد حولي من العقـل طاير
حتـى المراقـب يـوم يسمــع ونينـي /// بعينــي اشوفــه يـوم هـل العبايـر
دكتـور ما فـي منهجـك شـي زينـي /// والله مـدري بسبتـك كيـف صايـر
كـان اول افضـل لكـن اليـوم شيني /// فــوق المطـب ياكثــر مابه حفاير
ادري بانـــك ياعزيـــزي ذهينــــي /// لكــن بعــد حنـا نعـــرف العـوايـر
حطيــت كل اللــي يخصــك يمينـي /// يومــه لفــى ذكـــرى ثلاثـه ينايـر
الوجــد هــام وهـام فينــي حنينـي /// وتطــري علـي بالحـال ام الظفاير
الجــادل اللــي كـل مابـه حسينــي /// ظبــي الفــلا منــي انا اليــوم ذاير
اليـــوم وينـه وين قلبــي ووينــي /// حسبي على الحرمان ظالم وجايـر
هيّـضـت شي ٍ وسط قلبـي دفينــي /// مبطـي اكنــه واصبــح اليوم فايـر
قضيت وقتـي بالقصيـد الهجينــي /// علــي اخفف قبـل كشــف السراير
دكتــور منـك بـاح ما فــي كنينـي /// وفحّطــت كنـه تحـت رجلي تواير
ورجعت اقلـّـب بأختبارك سنينـي /// كثــر الغيــاب اليــوم اضلل دوايـر



ياربي وش يفكني من الدكتووووور



مجرد مداعبـــــة






تشــــــــــــاووووووو